حکوومەتی پاکستان ڕایگەیاند لە وەڵامی هێرشەکانی سەر شاری کەراچی، ناوچە سنوورییەکانی ڕۆژهەڵاتی ئەفغانستانی بۆردومان کردووە و 25 چەکداری کوشتووە. لە بەرامبەردا، حکوومەتی کابوڵ بۆردومانەکان سەرکۆنە دەکات و ئاشکرای دەکات کە بەهۆی هێرشەکانەوە زیاتر لە 200 هاوڵاتیی سڤیل کوژراون و بریندار بوون.

بۆردومانکردنی ناوچە سنوورییەکانی ئەفغانستان

پاکستان ڕایگەیاند، ناوچە سنوورییەکانی ڕۆژهەڵاتی ئەفغانستانی بۆردومان کردووە و 25 چەکداری کوشتووە، حکوومەتی کابوڵیش دەڵێت زیاتر لە 200 هاوڵاتی کوژراون و بریندار بوون.

هۆکاری هێرشە ئاسمانییەکانی پاکستان

عەتاوڵا تارار، وەزیری ڕاگەیاندنی پاکستان لەبارەی هۆکاری بۆردومانەکانەوە گوتی "بۆردوومانەکان لە وەڵامی هێرشەکانی دوێنێی چەکدارەکانی ئەفغانستاندا هاتووە بۆ سەر شاری کەراچی، کە بەهۆیەوە 3 سەربازی پاکستانی کوژران".

ئاماری کوژراوانی گرووپە چەکدارەکان

عەتاوڵا تارار، وەزیری ڕاگەیاندنی پاکستان لەبارەی ئاماری کوژراوانی چەکدارانەوە گوتیشی "ئۆپراسیۆنەکان بوونەتە هۆی کوژرانی 25 کەس لە گرووپێکی چەکدار، ئەمەش لە کاتێکدایە دەسەڵاتدارانی ئەفغانستان چەندینجار ڕەتیانکردووەتەوە هیچ گرووپێکی چەکداری لە خاکەکەیان هەبێت".

زیانە گیانییەکانی هاوڵاتییانی سڤیل لە ئەفغانستان

حکوومەتی ئەفغانستان ڕایگەیاند، هێرشە ئاسمانییەکانی پاکستان 3 پارێزگای ڕۆژهەڵاتی ئەو وڵاتەیان کردووەتە ئامانج و بوونەتە هۆی کوژرانی 36 سڤیل و برینداربوونی 163ـی دیکە.

هەڵوێستی فەرمیی کابوڵ بەرامبەر هێرشەکان

زەبیحوڵا موجاهید، گوتەبێژی حکوومەتی ئەفغانستان سەرکۆنەی هێرشەکانی کرد و بە "دەستدرێژییەکی ترسنۆکانە" ناویبرد.