هەیبەت حەلبوسی، سەرۆکی ئەنجوومەنی نوێنەرانی عێراق و سەلیم ماندیوالا، نێردەی سەرۆکی پاکستان کۆبوونەوە و چەند پرسێکی هاوبەشی نێوان هەردوو وڵاتەکەیان تاوتوێکرد.

گفتوگۆ لەبارەی پەیوەندییە دووقۆڵییەکان

نووسینگەی ڕاگەیاندنی سەرۆکی ئەنجوومەنی نوێنەران لە ڕاگەیێنراوێکدا دەڵێت، لە کۆبوونەوەکەدا گفتوگۆ لەبارەی پەیوەندییە دووقۆڵییەکانی نێوان عێراق و پاکستان و ڕێگەکانی بەهێزکردنی پەیوەندیی نێوان پەرلەمانی هەردوو وڵات و گرنگیی هەماهەنگیی هەڵوێستەکانیان لەسەر ئاستی نێودەوڵەتی لەسەر پرسە هاوبەشەکان جەختی لەسەر کرداوەتەوە.

ستایشی ڕۆڵی پاکستان لە ڕێککەوتنی ئێران  و ئەمریکا

هەیبەت حەلبوسی ستایشی ڕۆڵی پاکستانی کردووە لە گەیشتن بە لێکگەیشتنی نێوان ئێران و ئەمریکا و هەوڵە دیپلۆماسییەکانی ئەو وڵاتەی لە پاڵپشتیکردنی سەقامگیریی هەرێمایەتی و بەهێزکردنی چارەسەرە ئاشتییانەکان بەرزنرخاندووە.

پەرۆشی پاکستان بۆ بەهێزکردنی پەیوەندییەکان

نێردەی سەرۆکی پاکستان، پەرۆشیی وڵاتەکەی بۆ بەهێزکردنی پەیوەندییە دووقۆڵییەکانی وڵاتەکەی و عێراقی دووپاتکردووەتەوە، بە فەرمی هەیبەت حەلبوسی، سەرۆکی ئەنجوومەنی نوێنەرانی بانگێشتی ئیسلامئاباد کردووە.