نێچیرڤان بارزانى بۆ یادى 250 ساڵە سەربەخۆیی ئەمریکا پەیامێکى بڵاوکردەوە
نێچیرڤان بارزانی، سەرۆکی هەرێمی کوردستان، بەبۆنەی یادی 250 ساڵەی ڕاگەیاندنی سەربەخۆیی ئەمریکا پەیامێکی بڵاوکردووەتەوە و دەڵێت، هەرێمی کوردستان و عێراق چاوەڕوانی هاوبەشییەکی بەهێزتر لەگەڵ ئەمریکا دەکەن.
پیرۆزبایی لە دۆناڵد ترەمپ و گەلی ئەمریکا
نێچیرڤان بارزانی لە تۆڕی ئێکس پەیامێکی بڵاوکردووەتەوە و بەبۆنەی یادی 250 ساڵەی ڕاگەیاندنی سەربەخۆیی ئەمریکا پیرۆزبایی لە دۆناڵد ترەمپ و گەلی ئەمریکا دەکات.
وانەکانی ئازادی و سەروەریی یاسا
نێچیرڤان بارزانی لەبارەی وانەکانی مێژووەوە ڕایگەیاندووە، وانەی هەمیشەیی ئەمریکا ئەوەیە کە ئازادی لە هێز زیاتر پێویستی بە دەستوور، دامەزراوەکان، هاوسەنگیی فیدراڵی و ڕەزامەندیی گەلێکی ئازاد هەیە.
بنەما سەرەکییەکان بۆ داهاتووی عێراق
سەرۆکی هەرێمی کوردستان لەبارەی داهاتووی پەیوەندییەکانەوە ئاماژەی بەوە کردووە، لەکاتێکدا هەرێمی کوردستان و عێراق چاوەڕوانی هاوبەشییەکی بەهێزترن لەگەڵ ئەمریکا، لەو باوەڕەدان ئەم بنەمایە بۆ داهاتووی عێراقیش بە سەرەکی دەمێنێتەوە.
سەقامگیری و پێگەی هەرێمی کوردستان
سەقامگیری دەبێت لەسەر بنەمای پابەندبوونی دەستووری، فیدراڵی و پاراستنی مافەکان و پێگەی هەرێمی کوردستان لە چوارچێوەی دەستووری عێراقدا بێت.
سوپاسگوزاری بۆ هاوکارییەکانی ئەمریکا
نێچیرڤان بارزانی لە کۆتایی پەیامەکەیدا لەبارەی هاوکارییەکانی واشنتنەوە ڕایگەیاندووە، هەمیشە سوپاسگوزاری دۆستایەتی و سەرکردایەتیی ئەمریکا و پشتگیریی بەردەوامیانن بۆ هەرێمی کوردستان و عێراق.
2 کاتژمێر پێش ئێستا