954 دۆسیە بۆ گەڕاندنەوەی پارە دزراوەکانی عێراق ئامادە کران
حکومەتی عێراق لە ڕێگەی تیمێکی تایبەتەوە ئامادەکاری بۆ گەورەترین هەڵمەتی گەڕاندنەوەی پارە دزراوەکان دەکات و تاوەکو ئێستا 954 دۆسیەی یاسایی لەسەر بردنە دەرەوەی نایاسایی پارە بۆ دەرەوەی وڵات ئامادە کراوە.
ئامادەکردنی دۆسیە یاساییەکان لەسەر گەندەڵی
تیمێکی تایبەت بە هەماهەنگیی لایەنە پەیوەندیدارەکان لە ئەنجوومەنی وەزیرانی عێراق، 954 دۆسیەی یاسایی لەسەر بردنە دەرەوەی نایاسایی پارە بۆ دەرەوەی وڵات ئامادە کردووە. سەرچاوەیەک لە ئەنجوومەنی وەزیران ڕایگەیاند، هیچ جۆرە خاوبوونەوەیەک لە هەڵمەتەکەدا نییە و بەردەوامن لە هەنگاو و ئامادەکارییە یاساییەکان بۆ وەستانەوە دژى گەندەڵی.
ڕێکخستنەوەی کابینە و قۆناغی داهاتووی هەڵمەتەکە
عەلی زەیدی، سەرۆکوەزیرانی عێراق، لە ئێستادا سەرقاڵی ڕێکخستنەوەی کابینەکەی و پڕکردنەوەی پۆستە بەتاڵەکانە. پاش تەواوبوونی ئەم هەنگاوە، حکومەت دەست دەکات بە کارى جددیتر لەسەر ڕووبەڕووبوونەوەى گەندەڵکاران و دەستگیرکردنی ئەو کەسانەی کە تێوەگلاون.
داواکاری بۆ پشتیوانیی گشتی لە ڕووبەڕووبوونەوەی گەندەڵی
سەبارەت بە پڕۆسەی گەڕان بەدوای گەندەڵکاراندا، عەلی زەیدی ڕایگەیاند، وەک حکومەت هەستاون بە ئەنجامدانی ئەو هەڵمەتە، بەڵام جەختی کردەوە کە بە تەنیا ئەو کارە ناکرێت و دەبێت هەموو لایەک پشتیوانیی پڕۆسەکە بکەن بۆ ئەوەی ئەنجامی هەبێت.
1 کاتژمێر پێش ئێستا