ئەمڕۆ 8ـی تەمموزی 2026، مامۆستا عوزێر حافز، مامۆستای ئاینی و پەرلەمانتاری پێشووتری یەکگرتووی ئیسلامی کوردستان لە ئەنجوومەنی نوێنەرانی عێراق کۆچی دوایی کرد.

بەهۆی نەخۆشییەوە کۆچی دوایی کرد

مامۆستا عوزێر حافز، پاشنیوەڕۆی ئەمڕۆ بەهۆی نەخۆشییەوە کۆچی دوایی کرد و لە مزگەوتی قەیوان سیتی لە ڕاپەڕین نوێژی لەسەر کرا و دواتر بەرەو گۆڕستانی هەواری تازە بەڕێدەکرا بۆ بە خاک سپاردنی.

لە هەڵبژاردنی ساڵی 2010 بووەتە ئەندامی ئەنجوومەنی نوێنەران

عوزێر حافز لە ساڵی 1957 لە تەوێڵە لەدایکبووە و لە هەڵبژاردنی ساڵی 2010ـی ئەنجوومەنی نوێنەرانی عێراق بووە بە پەرلەمانتار و لە لیژنەی ئەوقاف و کاروباری ئایینی لە ئەنجوومەنەکەدا ئەندام بووە.