ئامارە فەرمییەکانی حکومەت دەریدەخەن کە لە جێبەجێکردنی پڕۆژەکانی ڕێگاوبان، شارەوانی و بەنداوەکاندا، پشکی شێر بۆ هەولێر و دهۆک بووە و سنووری سلێمانی و هەڵەبجە پەراوێز خراون.

جیاوازی لە قیرتاوکردنی ڕێگاوبانەکان

بودجەی پڕۆژەکانی شارەوانی

لە پڕۆژەکانی شارەوانیدا، جیاوازییەکە قووڵتر دەبێتەوە. لە سنووری هەولێر و دهۆک 4,340 پڕۆژە بە تێچووی 3.881 (سێ تریلیۆن و هەشتسەد و هەشتا و یەک ملیار) دینار بڕیاریان لێدراوە. بەڵام بۆ پارێزگاکانی سلێمانی و هەڵەبجە، تەنیا 972 پڕۆژە بە تێچووی 1.721 (تریلیۆنێک و حەوتسەد و بیست و یەک ملیار) دینار بڕیاریان لێدراوە. ئەم ئامارانە دەریدەخەن کە ژمارەی پڕۆژەکانی هەولێر و دهۆک زیاتر لە 4 هێندەی پڕۆژەکانی سلێمانی و هەڵەبجەیە.

دروستکردنی پۆند و بەنداوەکان

لە کەرتی گلدانەوەی ئاودا، جیاکارییەکە بە ڕوونی دیارە. لە کۆی 9 (نۆ) پۆند و بەنداوی دروستکراوی ئەم کابینەیە، 7 (حەوت) دانەیان بۆ سنووری هەولێر و دهۆک تەرخانکراون. لە کاتێکدا تەنیا 2 (دوو) بەنداو لە سنووری پارێزگای سلێمانی و ئیدارەی گەرمیان جێبەجێ کراون. ئەم دابەشکارییە نادادپەروەرانەیە کاریگەریی ڕاستەوخۆی لەسەر کەرتی کشتوکاڵ و ئاسایشی ئاوی ناوچەکان هەبووە.

داهاتی سلێمانی و بودجەی خزمەتگوزاری

ئەم جیاکارییانە لە کاتێکدایە کە پارێزگای سلێمانی 38%ـی کۆی داهاتی نانەوتیی هەرێمی کوردستان دابین دەکات و هەموو مانگێکیش بڕی 10,260,000,000 (دە ملیار و دووسەد و شەست ملیۆن) دینار لە پارەی مووچەی ئەم پارێزگایە بۆ بودجەی سەروەری دەبڕدرێت. سەرباری ئەم پابەندییە داراییانە، حکومەت جێبەجێکردنی پڕۆژەکانی لە سلێمانی تەنیا بەستووەتەوە بە داهاتی ناوخۆی خودی پارێزگاکە و بەشێکی شایستەی لە بودجەی گشتی پێنەداوە.