دامەزراوەی میدیایی کەناڵ8 لە چوارچێوەی پلانی فراوانکردنیدا، ڕاگەیاندنی 203 هەلی کاری نوێی بۆ گەنجان ڕاگەیاند. پڕۆسەی پێشکەشکردن بە شێوەیەکی دیجیتاڵی دەبێت و ئامانجی ڕەخساندنی دەرفەتی یەکسانە بۆ پسپۆڕانی بواری میدیا بە هەردوو زمانی کوردی و عەرەبی.

دەقی تەواوی ڕاگەیێنراوی دامەزراوەیی میدیایی کەناڵ8

لە چوارچێوەی پلانی فراوانکردنیدا، دامەزراوەی میدیایی کەناڵ8، (203) هەلی کار لە بوارە جیاوازەکانی میدیا بۆ هەردوو زمانی کوردی و عەرەبی ڕادەگەیێنێت، کە لە ئەمڕۆوە و بۆ ماوەی 10 ڕۆژ، کارخوازانی ئەو بوارانە دەتوانن لەڕێگەی ئەو فۆرمەی لە ماڵپەر و سۆشیال میدیا فەرمییەکانمانەوە بڵاودەکرێنەوە داواکاریی پێشکەش بکەن.

هەروەها هەموو کارخوازان ئاگاداردەکەینەوە، کە لەپێناو رەخساندنی دەرفەتی وەکیەکی بۆ هەمووان، سیڤییەکان تەنیا لە ڕێگەی فۆرمی تایبەت و ئەو ئیمەیلەوە وەردەگیرێت کە بڵاوکراوەتەوە و لەدوای ماوەی 10 ڕۆژی دیاریکراویش هیچ سیڤییەک وەرناگیرێت. کارخوازانیش دڵنیا دەکەینەوە کە هەر لەو ڕێگەیەوە لیژنەیەکی تایبەتمەند هەڵسەنگاندن بۆ سیڤییەکان دەکات و  بەشێوازی دیکە سیڤییەکان نابینرێن.

دامەزراوەی میدیایی کەناڵ8 ئامانجییەتی وەک بەشێک لە کەرتی تایبەت سوود لە توانا و لێهاتوویی گەنجانی عێراق و کوردستان لە هەموو ناوچە جیاوازەکان وەربگرێت و بەشێک بێت لە دەستگیرۆیی گەنجان بۆ رەخساندنی هەلی کار، هەروەها لەڕێی سیڤی و لێهاتوویی کەسییەوە، کەسی شیاو بۆ شوێنی شیاو بە کولتوور بکات.

دامەزراوەی میدیایی کەناڵ8

بۆ پڕکردنەوەی فۆرمی هەلی کار لە دامەزراوەی میدیایی کەناڵ8 لێرە کرتە بکە