وەزیرى پەیوەندییەکان: پلاتفۆرمەکانى قومار و گرەوکردن قەدەغە دەکرێن
شۆڕش محەمەد 2 کاتژمێر پێش ئێستا
مستەفا سەنەد، وەزیرى پەیوەندییەکانى عێراق بڕیاریدا بە قەدەغەکردنی تەواوی پلاتفۆرمەکانی گرەوکردن و قوماری ئەلیکترۆنی.
"قەدەغە کردنەکە لە پێناو بەرژەوەندی گشتیدایە"
مستەفا سەنەد، وەزیرى پەیوەندییەکانى عێراق لە ڕاگەیێنراوێکدا ئاماژەى بەوە کرد، لە پێناو بەرژەوەندی گشتیدا، بڕیارماندا بە قەدەغەکردنی هەموو پلاتفۆرمەکانی گرەوکردن و قوماری ئەلیکترۆنی.
ڕێگریکردن لە ئالودەبوونی دیجیتاڵی
دەشڵێت، بڕیارەکە لەپێناو سنووردارکردنی مەترسییە ئابوورییەکان و ڕێگریکردنە لە ئالوودەبوونی دیجیتاڵی و ئەو بەفیڕۆدانە داراییەی کە هەڕەشە لە سەقامگیری کۆمەڵایەتی دەکات.
هەڵگرتنی قەدەغە لەسەر ماڵپەڕێک
گوتیشى، هەروەها بریارماندا بە هەڵگرتنی قەدەغە لەسەر ماڵپەڕی IMDb، کە تایبەتە بە هەڵسەنگاندنی فیلمەکان.
شۆڕش محەمەد
2 کاتژمێر پێش ئێستا