پێشانگەیەک بۆ یادی عەبدولکەریم حەمەئەمین دەکرێتەوە
حەسەن فەلاح 8 کاتژمێر پێش ئێستا
لە شاری سلێمانی، ئامادەکاری دەکرێت بۆ کردنەوەی پێشانگەیەکی نوێی هونەری، بۆ یادکردنەوەی هونەرمەندی کۆچکردوو عەبدولکەریم حەمەئەمین.
چەند لایەنێک بە هاوبەشی دەیکەنەوە
پێشانگەکە بە ناونیشانی "ڕێگای ڕەنگ: بۆ یادی هونەرمەند عەبدولکەریم حەمەئەمین" دەکرێتەوە، کە تیایدا هەریەک لە ڕێکخراوی گەشەپێدانی مەدەنییەت CDO، سەندیکای هونەرمەندانی کوردستان لقی سلێمانی و مۆزەخانەی نیشتمانیی ئەمنەسوورەکە بە هاوبەشی دەیکەنەوە.
دوو ڕۆژ بەردەوام دەبێت
بڕیارە پێنجشەممە ڕێکەوتی 16ی تەمموز، کاتژمێر پێنج و نیوی پاشنیوەڕۆ، لە هۆڵی گەلەریی مۆزەخانەی نیشتمانیی ئەمنەسوورەکە لە سلێمانی پێشانگەکە بکرێتەوە و ماوەی دوو ڕۆژ بەردەوام دەبێت.
حەسەن فەلاح
8 کاتژمێر پێش ئێستا