فایەق زێدان، سەرۆکى ئەنجوومەنى باڵاى دادوەریی عێراق، لەگەڵ هەریەک لە جۆناسان پاوڵ، ڕاوێژکارى ئاسایشیی نیشتمانیی بەریتانیا و ڕیچارد هێرمەر، داواکاری گشتیی بەریتانیا کۆبووە و هاریکارییەکانی بوارى ڕووبەڕووبوونەوەى تیرۆریان تاوتوێکرد.

تاوتوێکردنی تاوانی ڕێکخراو و تیرۆر

بەگوێرەى ڕاگەیێنراوى ڕۆژنامەوانى ئەنجوومەنى باڵاى دادوەرى، لە کۆبوونەوەکەدا، پرسى هاریکارى هاوبەشى نێوان عێراق و بەریتانیا لە بوارى ڕووبەڕووبوونەوەى تیرۆر و تاوانى ڕێکخراویان تاوتوێکردووە.

پەرەپێدانی هاریکاری دادوەریی و یاسایی نێوان عێراق و بەریتانیا

هاوکات، فایەق زێدان، سەرۆکى ئەنجوومەنى باڵاى دادوەریى عێراق، لەگەڵ ڕیچارد هێرمەر، داواکاری گشتیی بەریتانیا کۆبووەتەوە و ڕێگەکانى پەرەپێدانى هاریکارى دادوەریی و یاسایی لەنێوان عێراق و بەریتانیا، تاوتوێکراوە.