دەستەی دەستپاکی عێراق، یەکەم بڕیاری دادگای دژە گەندەڵی لەسەر یەکێک لە پەرلەمانتارە دیارەکان ئاشکرا دەکات، کە تێیدا محەممەد کەربولی ڕووبەڕووی سزای بەندکردن بووەوە.

سزای 2 ساڵ زیندانیکردن بۆ پەرلەمانتارێک

دەستەی دەستپاکیی عێراق، ڕایگەیاند، دادگای تاوانەکان بڕیاری کۆتایی لەبارەی دۆسیەی محەممەد کەربولی، ئەندامی ئەنجوومەنی نوێنەرانی عێراق دەرکردووە. بەپێی بڕیارەکە، کەربولی سزای 2 ساڵ زیندانیکردنی بەسەردا سەپێنراوە، ئەمەش دوای ئەوەی تۆمەتەکەی لەسەر سەلمێندراوە.

داواکردنی 50 هەزار دۆلار وەک بەرتیل

هۆکاری سەپاندنی ئەم سزایە بۆ تێوەگلانی پەرلەمانتارەکە دەگەڕێتەوە لە دۆسیەیەکی بەرتیلخۆریدا. دەستەی دەستپاکی ئاشکرای کردووە، محەممەد کەربولی داوای بڕی 50 هەزار دۆلاری لە لایەنێک کردووە، ئەمەش لە بەرانبەر ئەوەی دەستوەردان بکات لە دۆسیەیەکی لێکۆڵینەوە و ئاڕاستەکەی بگۆڕێت.

بەشێک لە هەڵمەتی گەورەی دژە گەندەڵی

دەستگیرکردنی محەممەد کەربولی لە چوارچێوەی ئەو هەڵمەتە تووندەدایە کە حکومەتەکەی عەلی زەیدی لە دژی گەندەڵی دەستیپێکردووە. کەربولی لە 28ـی مانگی ڕابردوو لەلایەن هێزە ئەمنییەکانەوە دەستگیرکرا، کە وەک یەکێک لە دۆسیە هەستیارەکانی ئەم دواییەی عێراق لە قەڵەم دەدرێت بۆ ڕاوەدوونانی ئەو بەرپرسانەی تێوەگلاون لە گەندەڵی دارایی.