لە حەسەکە خۆپیشاندانى مامۆستایان بەڕێوەچوو
جەبار حسین 1 کاتژمێر پێش ئێستا
وەک ناڕەزایەتییەک لە بەرامبەر دواکەوتنى مووچەکانیان، بەشێک لە مامۆستایانى پارێزگاى حەسەکە لە ڕۆژئاوای کوردستان خۆپیشاندانیان کرد.
داواى پێدانى مووچەکانیان دەکەن
مامۆستایان لەبەردەم بیناى بەڕێوەبەرایەتیى پەروەردە خۆپیشاندانیان کرد و ئاماژەیان بەوەکرد، دواکەوتنى مووچەکانیان کاریگەریى نەرێنى لەسەر ژیانیان دروستکردووە و ناتوانن بەو شێوەیە درێژە بە کارکردن بدەن.
مووچەى دوو مانگیان وەرنەگرتووە
بەشێک لەو مامۆستایانە لە ڕێگەى کەناڵ8ـەوە نیگەرانى خۆیان لە دواکەوتنى مووچەکانیان دەربڕى و گوتیان، تاوەکو ئێستا مووچەى مانگەکانى ئایار و حوزەیرانى ڕابردوویان وەرنەگرتووە.
ئەحمەد شەرع بەرپرسیارە لە نەدانى مووچەکانیان
ئەو مامۆستا ناڕازییانە حکومەتی دیمەشقیان بە بەرپرسیار زانى لە دواکەوتنى مووچەکانیان و داوایان کرد هەرچی زووە مووچەکانیان بۆ خەرج بکرێت.
جەبار حسین
1 کاتژمێر پێش ئێستا