عەممار حەکیم ڕایگەیاند، پێویستە بەشێوەیەکى واقیعى مامەڵە لەگەڵ دۆخى ئێستا بکرێت و دزە گەورەکانیش بە شێوەیەکى ئاشکرا دادگایی بکرێن.

دادگاییکردنی دزەگەورەکان بە ئاشکرایی

عەممار حەکیم سەرۆکى ڕەوتى حیکمەى نیشتمانى، لە سەردانێکیدا بۆ پارێزگاى ئەنبار، لەگەڵ حکومەتى خۆجێیی و سەرۆکهۆزەکانى پارێزگاکە کۆبووەوە و ڕایگەیاند، ڕووبەڕووبوونەوەى گەندەڵى بەرپرسیارێتییەکى گەورەیە لە ئەستۆى دەوڵەت و دامەزراوەکانى دادوەرى و داواشی لە حکومەت کرد، دزە گەورەکان لە پڕۆسەیەکى ئاشکرادا دادگایی بکرێن، بەبێ ئەوەى خاترى هیچ کەس و لایەنێک بگیرێت.

کۆکردنەوەی چەک لە دەستی دەوڵەت وەک پێویستییەکی نیشتمانی

عەممار حەکیم باسیلەوەشکردووە، کۆکردنەوەى چەک لەدەستى دەوڵەت پێویستییەکى نیشتمانییە و پێشتریش مەرجەعییەتى باڵاى ئایینی داوایکردووە و دەستوورى عێراقیش ئاماژەى بەوەکردووە، بڕیارى شەڕ و ئاشتى دەبێت لە دەستى ئەنجوومەنى نوێنەران بێت.

ڕۆڵی ڕەوتی حیکمەی نیشتمانی

عەممار حەکیم ڕاشیگەیاندووە، ڕۆڵى ڕەوتى حیکمەى نیشتمانى لە پارێزگا سوننەنشینەکان و هەرێمى کوردستان ڕۆڵێکى کۆمەڵایەتییە نەک سیاسى.

حەکیم گوتیشى، لە 30ـى ئەیلوول ڕۆڵ و ئەرکى هاوپەیمانیى نێودەوڵەتى کۆتایی دێت، پێویستە لاپەڕەیەکى نوێ لە نێوان عێراق و ئەو وڵاتانە بکرێتەوە و پەیوەندییەکان بەگوێرەى بەرژەوەندییە نیشتمانییەکان ڕێکبخرێنەوە.