خانمە ئەکتەری ناسراوی ئێرلەندا و هۆڵیوود؛ ئەستێرەی فیلمەکانی My Left Foot و Home Alone لە تەمەنی 81 ساڵیدا کۆچی دوایی کرد.

بە ئارامی کۆچی دوایی کردووە

بەگوێرەی زانیارییەکان، فریکەر بە نەخۆشی کۆچی دوایی کردووە، لە خانووەکەی خۆی لە دوبلن بە ئارامی و لەناو خێزانەکەی گیانی سپاردووە.

ئێرلەندییەکان فریکەر بە گەنجینەی سینەمایی خۆیانی دەزانن، ئەم خانمە ئەکتەرە، لە سەکۆی شانۆیی ئێرلەنداوە دەرکەوتووە و لەگەڵ شانۆی نیشتمانییدا کاری کردووە، پاشان لە هۆڵیوود دەرکەوتووە و وەکو ئەستێرەی ژمارەیەک لە فیلمە بەناوبانگەکان ڕۆڵی گێڕاوە.

ئۆسکارێکی هەبوو

ئەم خانمە ئەکتەرە، لەماوەی ژیانی هونەریی خۆیدا، بەنزیکەی لە 100 فیلمدا ڕۆڵیگێڕاوە و لە ڕۆڵی کارەکتەری پاڵپشت و لە فیلمی My Left Foot خەڵاتی ئۆسکاری بردووەتەوە.