د. هیوا ئەبوبەکر، پزیشکی پسپۆڕی نەخۆشییەکانی هەرس و جگەر، ئەو حاڵەتانە دەخاتەڕوو کە بەهۆی ئەنجامدانی پشکنینی گەدەوە دەستنیشان دەکرێن.

گرنگترین ئەو حاڵەتانەی ناوبینیی گەدە دەستنیشانیان دەکات

پزیشکەکە دەڵێت '' ناوبینیی گەدە ئەم حاڵەتانە دەستنیشان دەکات''، لەوانە:

1. برینەکان: برینی ناوپۆشی گەدە و دوانزدەگرێ
2. هەوکردنەکان: هەوکردنی توندی گەدە و سوورێنچک
3. گرێ و شێرپەنجە: دۆزینەوەی گرێی شێرپەنجەیی یان گرێی بێوەی لە قۆناغە سەرەتاییەکاندا
4. هۆکاری خوێنبەربوون: دیاریکردنی سەرچاوەی هەر خوێنبەربوونێک لەناو گەدە یان سوورێنچکدا
5. تەسکبوونەوەی ڕێڕەوی خواردن: دیاریکردنی ئەو شوێنانەی بەهۆی نەخۆشییەوە ڕێڕەوی خواردنیان تەسک بووەتەوە
6. بەکتریای گەدە: وەرگرتنی نموونەی گۆشت بۆ پشکنینی وردی بەکتریای گەدە
7. نەخۆشیی هەستیاریی گەنم ،وەرگرتنی نموونە لە ڕیخۆڵە بۆ دڵنیابوونەوە لە بوونی ئەم نەخۆشییە
8. ئاڵۆزییەکانی دڵەکزێ: وەک گۆڕانی خانەکانی سوورێنچک  بەهۆی ترشەڵۆکەوە

لە چ کاتێکدا ناوبینیی گەدە ئەنجام دەدرێت؟

پزیشکە پسپۆڕەکە دەڵێت " لەکاتی بوونی ئەم نیشانانەدا، پشکنینی ناوبینیی گەدە ئەنجام دەدرێت''، لەوانە:

1. ​ بوونی بەدهەرسی بەردەوام
2. زوو زوو تووشبوونی دڵەکزێ و ترشەڵوکی گەدە
3. ​ئازاری بەردەوام لە بەشی سەرەوەی سکدا
4. ​دڵتێکهەڵاتنی بەردەوام یان زوو زوو دووبارەبوونەوەی
5. ​ناڕەحەتی و کێشە لە کاتی قوتدانی خواردندا
6. ​هەر نیشانەیەکی بەردەوام کە سەرچاوەکەی گەدە، سوورێنچک، یان بەشی یەکەمیڕیخۆڵەباریکە بێت

​