بە فەرمی خانەی زیادکردنی ئاشکرای سۆسەبیز، ئاماری داهاتی نیوەی یەکەمی ئەمساڵی بڵاوکردەوە و لە ئاستی فرۆشی تایبەتیشدا ژمارەیەکی گەورەی تۆمار کردووە.

زیاترە لە چوار ملیار دۆلار

بەگوێرەی ئامارەکە، سۆسەبیز لە نیوەی یەکەمی ساڵی 2026، بە بەهای چوار ملیار و 400 ملیۆن دۆلار پارچەی هونەری فرۆشتووە.

فرۆشی تایبەتیش ڕێژەیەکی بەرزی تۆمار کردووە

ئەوەش ئاشکرا کراوە، ئەم ژمارەیە، بە ڕێژەی %58 زیاترە لە نیوەی یەکەمی ساڵی ڕابردوو، زۆربەی فرۆشەکانیش، لە چوارچێوەی زیادکردنی ئاشکرا و گرێبەستی بازرگانییدا بوون کە لە خانەکەدا ئەنجامدراون.

تێکڕای فرۆشی تایبەتیش بە بەهای 826 ملیۆن دۆلار بووە، لە هەمان کاتدا، ڕێژەی کڕیارانیش زیادی کردووە بەراورد بە 15 ساڵی ڕابردوو.