لە پۆلێنى وڵاتان بۆ گەشەسەندن و خۆشگوزەرانى، عێراق لە ڕیزبەندى 106ـى وڵاتانى جیهان و 14ـى وڵاتانى عەرەبیدایە، تەنانەت لە دواى لوبنان و لیبیاوەیە.

لە رێزبەندی 171 وڵاتی جیهانیدا

ئەنجوومەنى ئەتڵەنتیک، لەسەر بنەماى پێوەرەکانى ئابوورى، کۆمەڵایەتى و دامەزراوەیی، ئاستى گەشەسەندن و پەرەپێدانى لە 171 وڵاتى جیهانى بۆ ساڵى 2026 بڵاوکردووەتەوە.

لە پلەی 14ـی وڵاتانی عەرەبیدایە لە پێوەرەکانی گەشەسەندندا

لە پێوەرەکانی گەشەسەندنى جیهانی بۆ ساڵی 2026 دەرکەوتووە، عێراق لە پلەی 106ی جیهانی و پلەی 14ـى وڵاتانى عەرەبیدایە، هاوکات وڵاتانی کەنداو لە پێشەنگی وڵاتانی عەرەبی لە ڕیزبەندییەکەدا ماونەتەوە.

ئیمارات لە پێشەنگدایە

لە ڕیزبەندییەکەدا ئیمارات لە پێشەنگى وڵاتانى عەرەبى و ڕیزبەندى 35ـى وڵاتانى جیهانە، دواتريش وڵاتانى قەتەڕ، کوەیت، عوممان، سعودیە دێن.

لە دوای وڵاتانی وەک لوبنان و جەزائیریشەوەیە

هەروەها عێراق لە دواى وڵاتانى جەزائیر و تونس و لوبنان و میسر و مەغریب و لیبیاوەیە و پلەى 106 گرتووە، بەڵام کەوتووەتە پێش سووریا، مۆریتانیا، یەمەن و سوودان.