بافڵ جەلال تاڵەبانی، سەرۆکی یەکێتیی نیشتمانیی کوردستان، بە بۆنەی ڕۆژی لە دایکبوونیەوە، پیرۆزبایی لە قوباد تاڵەبانی برای دەکات و دەڵێت " هەبوونی تۆ تەنيا نیعمەتێک نییە، بەڵکو ئەو لەنگەرەیە کە لە هەموو کاتە سەختەکاندا بە بەهێزی دەمهێڵێتەوە".

لە هەموو قۆناغەکانی ژیانمدا، تۆ پشتیوان، گوێگر و گەورەترین هاوپەیمانم بوویت

سەرۆکی یەکێتیی نیشتمانیی کوردستان لەو بارەیەوە  دەڵێت " لە هەموو قۆناغەکانی ژیانمدا، تۆ پشتیوان، گوێگر و گەورەترین هاوپەیمانم بوویت. هەبوونی تۆ تەنیا نیعمەتێک نییە، بەڵکو ئەو لەنگەرەیە کە لە هەموو کاتە سەختەکاندا بە بەهێزی دەمهێڵێتەوە. دەگوترێت جیاوازیی برا و هاوڕێی تەنگانە ئەوەیە کە هاوڕێی تەنگانە خۆت هەڵیدەبژێریت، بەڵام پێموایە من کەسێکی بەبەختم چونکە تۆ هەم هاوڕێیت و هەم برا. من و تۆ پێکەوە تیمێکین کە نابەزێنرێت و شانازی بە مەردایەتی، سەرکردایەتی و برایەتی تۆوە دەکەم".

 داهاتووت پڕە لە سەرکەوتنی گەورە

سەرۆکی یەکێتی بەو بۆیەوە دەشڵێت " لەگەڵ چوونە ناو ساڵێکی دیکەی تەمەنت، هیچ گومانم لەوە نییە داهاتووت پڕە لە سەرکەوتنی گەورە، بەهێزی و دڵخۆشی".

لە کۆتایی پەیامەکەیدا بافل جەلال تاڵەبانی  گووتیەتی " سوپاس بۆ ئەوەی هەمیشە رێگەنیشاندەرمیت و بە وریایی، ڕاستگۆیی و سەنگینییەوە دەمهێڵیتەوە، ئەو هاوڕێ باشەیت کە هەموو کەسێک ئاواتی بۆ دەخوازێت.

خۆشحاڵم بە رۆژی لەدایکبوونی تۆ و هەموو ئەو سەرکەوتنانەی لەماوەی ساڵانی داهاتوودا پێکەوە بەدەستیان دەهێنین."

ڕۆژی لەدایکبوونت پیرۆز کاک قوباد