لە ئاسمانى شاری هەولێر سێ درۆن تەقێنرایەوە و بەگوێرەى زانیارییە سەرەتاییەکان، تەقاندنەوەى درۆنەکان تەنیا زیانى ماددییان هەبووە.

ڕووداوەکە تەنیا زیانی مادیی هەبووە

بەگوێرەى زانیارییەکانى پەیامێنرى کەناڵ8، ئەمشەو 21ـى تەمموز لە ئاسمانى شارى هەولێر سێ درۆن تەقێنراونەتەوە و ڕووداوەکە تەنیا زیانى مادیی هەبووە.

لە ئاکامی کەوتنەخوارەوەی پارچە درۆنەکان ئاگر کەوتووەتەوە

هەر بەگوێرەى زانیارییەکانى پەیامنێرى کەناڵ8، لە ئاکامى کەوتنەخوارەوەى پارچەى درۆنەکان، لە دوو ناوچە ئاگر کەوتووەتەوە و تیمەکانى بەرگریى شارستانى سەرقاڵى کۆنترۆڵکردنى ئاگرەکەن.

تاوەکو ئێستا زیاتر لە 900 هێرش کراوەتە سەر هەرێمی کوردستان

لە پاش دەستپێکردنى جەنگى ئەمریکا و ئیسرائیل لەگەڵ ئێران لە مانگی شوباتی ڕابردوو، تاوەکو ئێستا زیاتر لە 900 هێرش کراونەتە سەر هەرێمى کوردستان بەتایبەت، دامەزراوەلانی وزە و کێڵگە نەوتییەکان و کونسوڵخانەى ئەمریکا و بنکەى هاوپەیمانان لە هەولێر.