عەلی زەیدی سەردانی ئەنقەرە دەکات؛ بڕیاری کۆتایی لەسەر بودجەی پڕۆژەی ڕێگەی گەشەپێدان دەدرێت
وەزیری گواستنەوەی تورکیا لە بەغداد کۆبوونەوەی لەگەڵ سەرۆکوەزیرانی عێراق ئەنجامدا و ڕایدەگەیەنێت، پڕۆژەی ڕێگەی گەشەپێدان تەنیا بۆ گواستنەوەی کاڵا نییە، بەڵکو دەبێتە ڕێگەی سەرەکیی وزە و پەیوەندییەکان.
سەردانی عەلی زەیدی بۆ تورکیا
عەبدولقادر ئوراڵئۆغڵو، وەزیری گواستنەوە و ژێرخانی تورکیا ڕایگەیاند، کۆتایی ئەم مانگە عەلی زەیدی، سەرۆکوەزیرانی عێراق سەردانی ئەنقەرە دەکات. چاوەڕوان دەکرێت لەم سەردانەدا هەردوولا بڕیاری کۆتایی لەسەر بودجەی پڕۆژەی ڕێگەی گەشەپێدان بدەن و هەنگاوە کردارییەکان دەستپێبکەن.
ئامادەکارییەکانی پڕۆژەی ڕێگەی گەشەپێدان
وەزیری گواستنەوەی تورکیا ئاماژەی بەوە کرد، جگە لە چەند وردەکارییەکی کەم، هەموو ئامادەکارییەکانی پڕۆژەی ڕێگەی گەشەپێدان تەواو بوون. ئاماژەی بەوەش کرد کە بەهیوایین هەر لەم مانگەدا دەست بە جێبەجێکردنی پڕۆژەکە بکرێت، پاش ئەوەی لەگەڵ عەلی زەیدی و وەهب سەلمان، وەزیری گواستنەوەی عێراق وردەکارییەکانیان تاوتوێ کردووە.
ڕێگەی گەشەپێدان وەک چەقی وزە و پەیوەندییەکان
ئوراڵئۆغڵو جەختی لەوە کردەوە، ڕێگەی گەشەپێدان تەنیا ڕێگەیەکی ئاسایی نییە، بەڵکو دەبێتە ڕێڕەوێکی ستراتیژی بۆ گواستنەوەی وزە، نەوت و کەلوپەلەکان. هەروەها تورکیا پێشنیاری کردووە ئەم ڕێگەیە بۆ گواستنەوەی تۆڕی فایبەر ئۆپتیکیش بەکاربهێندرێت و لەو بارەیەوە گفتوگۆی ئەرێنی لەگەڵ لایەنی عێراقی ئەنجامدراوە.
3 کاتژمێر پێش ئێستا