نووسینگەی سەرۆکوەزیرانی ئیسرائیل ڕایگەیاند، ڕۆژی سێشەممە بنیامین نەتانیاهوو، سەرۆکوەزیرانی ئیسرائیل لە کۆشکی سپی لەگەڵ دۆناڵد ترەمپ، سەرۆکی ئەمریکا کۆدەبێتەوە.

پەرەسەندنی جەنگی ئێران و ناکۆکی ترەمپ و نەتانیاهوو

سەردانەکەی نەتانیاهوو لە کاتێکدایە کە ناکۆکی لەنێوان هەردوو سەرۆکدا لەسەر مامەڵەکردن لەگەڵ جەنگی لەگەڵ ئێراندا پەرەی سەندووە.

بەشداری لە ڕێوڕەسمی ماتەمینی سیناتۆری کۆچکردو لیندزی گراهام

نووسینگەی نەتانیاهوو ڕایگەیاند، ڕۆژی دووشەممە سەرۆکوەزیران بەرەو واشنتن بەڕێدەکەوێت و بەشداریش لە ڕێوڕەسمی ماتەمینی سیناتۆری کۆچکردو لیندزی گراهام، دۆستی ئیسرائیلدا دەکات.

ستایشی نەتانیاهوو بۆ ترەمپ

لە دەستپێکی خولی دووەمی سەرۆکایەتیی ترەمپەوە، شەش جار لەگەڵ نەتانیاهوو یەکدییان بینیوە و پەیوەندییەکی نزیکیان پاراستووە، نەتانیاهوو لە چەندین بۆنەدا ستایشی ترەمپی کردووە و بە "گەورەترین هاوڕێ"ـی ئیسرائیل ناویبردووە.

زیادبوونی گرژییەکانی نێوان ترەمپ و نەتانیاهوو

بەڵام لە چەند مانگی ڕابردوودا هاوپەیمانیی نێوانیان گرژیی بەخۆیەوە بینیوە، لەمدواییانەدا ترەمپ هێرشی کردە سەر نەتانیاهوو گوتی "ئەگەر ئێمە نەبوونایە ئیسرائیل لەناودەچوو". ئەم گرژییانەش لە دوای واژۆکرانی یاداشتی لێکتێگەیشتنی نێوان ئەمریکا و ئێران دەستی پێکرد، کە جێی ڕەزامەندیی سەرکردەکانی ئیسرائیل نەبوو.