دۆناڵد ترەمپ، سەرۆکی ئەمریکا، لە ئێوارەخوانی ساڵانەی پەیامنێرانی کۆشکی سپیدا بە شێوازێکی تەنزئامێز ڕایگەیاند کە پاشەڕۆژی پیشەیی ڕۆژنامەوانان بە سەرۆکایەتیی ئەوەوە بەستراوەتەوە؛ ئاماژەی بەوەش کرد کە بەبێ ئامادەیی ئەو لە گۆڕەپانەکەدا، میدیاکان بینەر و هەواڵی سەرنجڕاکێشیان نامێنێت و پەیامنێران ڕووبەڕووی بێکاری دەبنەوە و گوتیشی، "زۆربەتان خۆش دەوێت و ڕقم لە بەشێکتانە".

تەنز و گاڵتەکانی ترەمپ لەبارەی ئاییندەی میدیاکان

دۆناڵد ترەمپ، سەرۆکی ئەمریکا لەبارەی داهاتووی پیشەیی ڕۆژنامەوانان ڕایگەیاند، لەمیانی وتارێکیدا لە ئێوارەخوانی ڕۆژنامەوانانی کۆشکی سپیدا بە ڕۆژنامەوانان دەڵێت: "ئەگەر من لە سەرۆکایەتیی ئەمریکا نەمێنم هەمووتان بێکار دەبن"، ترەمپ کە دەبینێت ڕۆژنامەوانەکان زۆر بەم قسەی پێدەکەنن، درێژەی پێدەدات و دەڵێت: "ئەوە ڕاستییە چونکە ئیدی کەس نابێت هەواڵ و ڕاپۆرتی لەسەر بکەن و کەسیش گرنگی بە کەسانی دوای من نادات".

گرنگیی دەرکەوتنی میدیایی و پەیوەندییە ئاڵۆزەکانی سەرۆک

سەرۆکی ئەمریکا بە دەرکەوتنە زۆرەکانی بەر کامێرا و کۆنفڕانسە ڕۆژنامەوانییە زۆرەکان ناسراوە، تەنانەت چەندین جار خۆی باسی لەوە کردووە کە بۆ ئەو دەرکەوتن لە میدیاکان زۆر گرنگە، ئەگەرچی خەڵک کەیفیان پێی بێت یان ڕقیان لێ ببێتەوە، بۆ ئەو گرنگە هەمیشە لەبەرچاوان بێت و دەرکەوێت، بەڵام لەگەڵ ئەوەشدا پەیوەندییەکی زۆر باشی لەگەڵ زۆرێک لە میدیاکان نییە، لەم ئێوارەخوانەدا دانی پێدا دەنێت و لە پەسنی ڕۆژنامەوانەکانی کۆشکی سپیدا دەڵێت: "ئێوە کەسانی ناوازەن و کاری باش دەکەن، زۆربەتانم خۆش دەوێت و ڕقم لە بەشێکتانە، بەڵام ڕێز لە هەمووتان دەگرم".

بنیاتنانی باڵەخانەی نوێ و ستایشی توانای پەیامنێران

دۆناڵد ترەمپ، سەرۆکی ئەمریکا لەبارەی تێچووی باڵەخانەی فیدراڵی و ڕێزگرتن لە پەیامنێران گوتی، "ئێوارەخوانێکی زۆر جوانە، بەڵام ئەوە ئاسان نەبوو ڕێکخستنی ئەم هەموو دیارییە، بەڵام ئەوە سەرسوڕهێنەرە کە گەڕامەوە بۆ ئەو شوێنەی خۆم بنیاتناوە، جێگەی شانازییە کە بە 2.9 ملیار دۆلار توانیمان باڵەخانەی یەدەگی فیدراڵی دروست بکەین، هەر بەو بۆنەیەوە شوێنەکەش زۆر بچووکە؛ بەڵام من دڵخۆشم لەم ئێوارەخوانەدا لەگەڵ پەیامنێرانی کۆشکی سپیم، کەسانی ناوازەن و کاری باش دەکەن، زۆربەتانم خۆش دەوێت و ڕقم لە بەشێکتانە، بەڵام ڕێز لە هەمووتان دەگرم، کارێکی ناوازە دەکەن".

پێشبینییەکانی ترەمپ بۆ قۆناغی دوای خۆی لە میدیاکاندا

دۆناڵد ترەمپ، سەرۆکی ئەمریکا لەبارەی گرنگیی هەواڵەکان لە دوای تەواوبوونی خولی سەرۆکایەتییەکەی باسی لەوە کرد، "ئێوە هیچ بیرۆکەیەکتان نییە چەند بەختەوەر دەبن کاتێک من لێرە نامێنم، هەمووتان بێکار دەبن و کارەکەتان تەواو دەبێت. ئەوە ڕاستییە، چونکە ئیدی کەس نابێت هەواڵ و ڕاپۆرتی لەسەر بکەن و کەسیش گرنگی بە کەسانی دوای من نادات".