سوپای پاسدارانی ئێران لە ڕاگەیەندراوێکی فەرمیدا ئاماری هێرشەکانی 15 ڕۆژی ڕابردووی بۆ سەر بنکە سەربازییەکانی ئەمریکا بڵاوکردەوە، تێیدا ئاماژە بە تێکشکاندنی 11 فڕۆکەی جەنگی، هێلیکۆپتەر و سیستمەکانی بەرگریی ئاسمانیی پاتریۆت دەکات، کە بە گوتەی ئەوان لە ئەنجامی هێرشە مووشەکی و درۆنییەکانیانەوە زیانی گەورە بەو هێزانە کەوتووە.

ئاماری فەرمیی گوتەبێژی سوپای پاسداران

سەرداری موحیبی، گوتەبێژی سوپای پاسداران لە ڕاگەیەندراوێکدا ئاماری زیانەکانی ئەمریکای لە ماوەی 15 ڕۆژی جەنگدا لە 8 بۆ 23ـی تەممووز خستەڕوو.

ئەنجامی هێرشە مووشەکی و درۆنییەکان

موحیبی لەبارەی هێرشە مووشەکی و درۆنییەکانیانەوە دەڵێت، لە ئەنجامی هێرشەکانیان بۆ سەر بنکەکانی ئەمریکا لە ناوچەکەدا، 11 فڕۆکەی جەنگی و هێلیکۆپتەر و 17 فڕۆکەی بێفڕۆکەوانیان لەناوبردووە.

تێکشکاندنی سیستمەکانی پاتریۆت و ڕادارەکان

گوتەبێژی سوپای پاسداران ئاماژەی بەوەشداوە، هەر لەو ماوەیەدا 6 سیستمی بەرگریی ئاسمانی لە جۆری پاتریۆت و 3 ڕاداری چاودێریی ئاسمانی و دەریایی لەگەڵ چەند جۆرێکی دیکەی ڕاداری بەرگری و چاودێری لە بنکەکانی ئەمریکا لە ناوچەکەدا لەناوبردووە.