لە چوارچێوەی ڕێوڕەسمێکی تایبەتدا، نوێترین بەرهەمی چاپکراوی شاعیری کورد ڕێبوار چەلەبی بڵاوکرایەوە.

ڕێوڕەسمێکی هاوبەش بوو

ڕێوڕەسمەکە، بە سەرپەرشتیی ڕێکخراوی گەشەپێدانی مەدەنییەت CDO و ڕێکخراوی نیشتمانی هەمووان، لە شاری سلێمانی ڕێکخرا، تیایدا نوێترین دیوانی ڕێبوار چەلەبی ناساندنی بۆ کرا و پاشان بەسەر ئامادەبوواندا دابەش کرا.

چەند شیعرێک خوێنرانەوە

لەم ڕێوڕەسمە هاوبەشەدا، شاعیر پاش خوێندنەوەی چەند دەقێکی شیعری، سەربوردێکی لەبارەی ئامادەکردنی دیوانەکە پێشکەش بە ئامادەبووان کرد و پاشان بە واژۆی خۆی، چەند بەرگێکی دیوانەکەی بەسەریاندا دابەش کرد.