تەلەڤزیۆنی فەرمیی چین ئاشكرایکرد، بەهۆی بارانی بەخووڕ، لافاو و قوڕ و لیتەوە، لە نزیک شوێنێکی گەشتیاری لە باکووری ڕۆژئاوای چین 10 کەس گیانیان لەدەستدا و 23ـی دیکەش برینداربوون.

 بەهۆی داڕمانی شاخێکەوە چەند کەسێک گیریانخواردووە

تەلەڤزیۆنی فەرمیی چین دەڵێت، بەهۆی زۆریی بارانبارینەوە، شاخێک داڕماوە لە نزیک کامپێکی گەشتیاری، بەهۆیەوە چەند کەسێک تاوەکو ئێستا لەژێر دار و پەردوودا گیریان خواردووە.

شوێنی جوگرافی ڕووداوەکە

بەگوێرەی سەرچاوە فەرمییەکان بێت، ڕووداوەکە لە شەنگشیمین لە باشووی گانسو کە ناوچەیەکی شاخاوەییە و دەکەوێتە نزیکەی هەزار و 200 کیلۆمەتر لە باشووری ڕۆژئاوای پەکینی پایتەخت، ڕوویداوە.

تا ئێستا 174 کەس ڕزگار کراون

لە ئێستادا بریندارەکان گواستراونەتەوە بۆ نەخۆشخانە و 174 کەسی دیکەش ڕزگارکراون.

بەردەوامی بارانی بەخووڕ

تاوەکو ئێستا بارانی بەخووڕ لەم ناوچانەی چین بەردەوامە و حکومەتیش هۆشداریی داوە بە هاوڵاتییانی ناوچەکە تاوەکو نەچنە ئەو شوێنانەی مەترسیی داڕمانیان لەسەرە.