شاکر واجد، بەڕێوەبەرى گشتی کۆمپانیاى دانە غاز بە کەناڵ8ـى ڕاگەیاند" لە سبەیەوە بەرهەمهێنانى گازى سرووشتى لەکێڵگەى کۆرمۆر بەشێوەى پلەبەندى  ئاسایی دەبێتەوە".

هەرێمی کوردستان و بەغداد گرەنتی ڕوونیان داوەتە کۆمپانیاکە

بەڕێوەبەرى گشتی کۆمپانیاى دانە غاز  ڕاشیگەیاند، هەر دوو حکومە تى هەرێمی کوردستان و عێراق گرەنتی ڕوونیان داوەتە کۆمپانیاکە و بەم بۆنەوەیە هەڵدەستین بە بەرزکردنەوەى ئاستى بەرهەمهێنانى گازى سرووشتى لەکێڵگەى کۆرمۆر.

دەستپێکردنەوەی کارەکان بە مەبەستی پڕکردنەوەی پێداویستی هاونیشتمانیانە

دەشڵێت، دەستپێکردنەوەی کارەکانیان بە مەبەستی پڕکردنەوەی پێداویستى هاونیشتمانیانە لە هەرێمى کوردستان و عێراق بۆ کارەبا و پێداویسیتى غازى ماڵان".

نزیکەی 12 ڕۆژە بەرهەمهێنانی گازی سرووشتی ڕاگیراوە

ئەوەش لە کاتێکدایە، لە بەروارى 16ـى تەمووزى 2026 بەهۆى مەترسییە ئەمنییەکانى ناوچەکەوە، کۆمپانیاى دانە غاز، بەرهەمهێنانى گازى سرووشتى ڕاگرت و ئەوەش قەیرانی کارەبای لە هەرێمی کوردستان دروستکرد.