چۆن بە سادەیی جیاوازی بکەین لە نێوان چوار قۆناغەکەی مایەسیریدا؟
د. نەبیل عوسام، پزیشکی پسپۆڕی نەشتەرگەری، باوترین جیاوازییەکانی قۆناغەکانی نەخۆشیی مایەسیری بۆ هاونیشتمانییان دەخاتەڕوو.
'' ڕەنگە %40ـی دانیشتووان لە قۆناغێکی ژیانیاندا تووشی ببن''
مایەسیری حاڵەتێکی زۆر باوە و ڕەنگە %40ـی دانیشتووان لە قۆناغێکی ژیانیاندا تووشی ببن، مایەسیری لە چوار قۆناغدا دەردەکەوێت و شێوازی چارەسەرکردن بەپێی قۆناغەکە دەگۆڕێت، قۆناغی یەکەم و دووەم بە چارەسەری دەرمان باش دەبن، بەڵام قۆناغی سێیەم و چوارەم پێویستیان بە ئەنجامدانی نەشتەرگەرییە.
باوترین جیاوازییەکانی قۆناغەکانی مایەسیری
پزیشکەکە دەڵێت '' دەتوانین بە سادەیی لە ڕێگەی نیشانەکانەوە جیاوازیی نێوان ئەم چوار قۆناغەی نەخۆشیی مایەسیری بکەین بە ئەم شێوەیە:
- قۆناغی یەکەم
بە شێوەی ئازار لە کۆم، خوران یان دڵۆپێک خوێن دوای پیسایی کردن دەردەکەوێت، بەبێ ئەوەی مایەسیرییەکە بێتە دەرەوەی کۆم
- قۆناغی دووەم
هەمان نیشانەکانی قۆناغی یەکەمی مایەسیری هەیە، لەگەڵ ئەوەی مایەسیرییەکە دێتە دەرەوەی کۆم و خۆی (بە شێوەیەکی خۆیی) دەگەڕێتەوە ناوەوە بەبێ ئەوەی پێویست بکات بە دەست پاڵ بنرێت
- قۆناغی سێیەم
مایەسیرییەکە دێتە دەرەوەی کۆم و پێویست دەکات بە دەست پاڵ بنرێت بۆ ناوەوە، چونکە بە خۆی ناگەڕێتەوە ناوەوە
- قۆناغی چوارەم
مایەسیرییەکە بە هەمیشەیی لە دەرەوەی کۆمە و بە هیچ شێوەیەک ناکرێت بگەڕێنرێتەوە بۆ ناوەوە
2 کاتژمێر پێش ئێستا