قەیرانى بەنزین بە چارەسەرنەکراوى ماوەتەوە و وەزارەتی سامانە سروشتییەکان ئەمرۆش ژمارەیەک بڕیار و ڕێکارى دیکەى گرتەبەر.

پێداچوونەوە بەنرخەکان و چارەسەرکردنی کێشەی کەمی بەنزین

وەزیری سامانە سروشتییەکان سەرپەرشتیی کۆبوونەوەیەکی نەوت و کانزاکانی وەزارەتەکەی کردووە بۆ دابینکردنی بەنزین، پێداچوونەوە بەنرخەکان و چارەسەرکردنی کێشەی کەمی بەنزین.

هەوڵدان بۆ زیادکردنی  پشکی هەرێمی کوردستان لە نەوتی خاو

بەگوێرەى ڕاگەیێنراوى وەزارەتەکە، هەموو هەوڵێک دەدرێت بەمەبەستی زیادکردنی پشکی هەرێمى کوردستان لە نەوتی خاو لە حکومەتی فیدراڵ، کە ئێستا ڕۆژانە 50 هەزار بەرمیلە و گوایە39.46%ـی پشکی هەرێمى کوردستانە.

بڕی داواکراو بۆ زیادکردنی پشکی هەرێمی کوردستان

وەزارەتەکە داوایکردووە ڕێژەکە بکرێتە %12.67 ـى کۆى پێداویستیى ناوخۆى عێراق کە ڕۆژانە 126,700 هەزار بەرمیلە.

هەوڵدان بۆ زیادکردنی بڕی بەنزینی نۆرماڵ

وەزارەتى سامانە سروشتییەکان دەشڵێت "هەوڵى زیادکردنی بڕی بەنزینی جۆری نۆرماڵی پاڵپشتیکراوی حکومی 750 دیناری دەدات ئەوەش بە هەماهەنگی لەگەڵ سەرجەم پارێزگاکان و ئیدارە سەربەخۆکان".

چاودێریکردنی ڕۆژانەی جۆرەکانی بەنزینی بازرگانی

ئاماژەى بەوەشکردووە، ڕۆژانە چاودێریی بەنزینی بازرگانی بۆ جۆرەکانی (نۆرماڵ، موحەسەن، سوپەر) دەکەن لە ڕووی کوالێتی و گونجانی لەگەڵ واقیعی ڕۆژانەی بازاڕی ئێستا.

سامانە سروشتییەکان لە کۆتایدا دەڵێت "بۆ هاوردەکردنی بەنزین و ماددەى کیمیایی بە مەرج و ڕێنماییەکانی وەزارەت هەموو ئاسانکارییەک دەکات".