سعودیە هاوپەیمانییەک بۆ بەرەنگاربوونەوەی هەڕەشەی حوسییەکان پێکدەهێنێت
سعودیە هاوپەیمانییەک بە ناوی هاوپەیمانی دەریای سوور بۆ بەرەنگاربوونەوەی هەڕەشەی حوسییەکان پێکدەهێنێت و 50 وڵات بۆ بەشداریکردن بانگێشت دەکات.
هاوپەیمانییەکی سەربازیی فرەنەتەوەییە
سەرچاوەکان بە پێگەی ئەلمۆنیتەریان ڕاگەیاندووە، بڕیارە سعودیە بەمزوانە هاوپەیمانیی دەریای سوور ڕابگەیەنێت، کە هاوپەیمانییەکی سەربازیی فرەنەتەوەییە و هەوڵێکی یەکخراوە بۆ پێشگرتن لە ڕێگری و سنووردارکردنی تێپەڕینی کەشتییەکان بە گەرووی بابولمەندەبدا، لە لایەن حوسییەکانی یەمەنەوە.
دیاترین وڵاتەکانی ناو هاوپەیمانێتییەکە
دوو سەرچاوەی باڵای دیپلۆماسی و بەرپرسێکی باڵای ئەمریکا بە ئەلمۆنیتەریان ڕاگەیاندووە، ئەمریکا، پاکستان و تورکیا لەناو ئەو 50 وڵاتەدان کە ئامادەییان بۆ بەشداریکردن لە هاوپەیمانییەکەدا ڕاگەیاندووە، ئەمە جگە لە وڵاتانی کەنار دەریای سوور، لەوانە میسر و سودان، جیبۆتی و سۆماڵیش.
هەروەها پێشبینی دەکرێت فەرەنسا، ئەڵمانیا و ئیتاڵیا و کۆمەڵێک وڵاتی دیکەش لە هاوپەیمانییەکەدا بەشداربن.
30/07/2026