ئامارەکانی تەندروستیی جیهانی سەبارەت بە کاریگەرییەکانی گەرما لەسەر تەندروستی

رێکخراوی تەندروستیی جیهانی دەڵێت:

• بەپێی ئەنجامی توێژینەوەکان لە نێوان ساڵانی 2000 بۆ 2019، ساڵانە نزیکەی 489 هەزار گیانلەدەستدان بەهۆی گەرماوە تۆمار کراون
• %45ـی ڕێژەی گیانلەدەستدان بەهۆی گەرماوە لە وڵاتانی ئاسیا تۆمار کراون
• %36ـی ڕێژەی گیانلەدەستدان بەهۆی گەرماوە لە وڵاتانی ئەوروپا تۆمار کراون

ڕێنوێنییەکانی تەندروستیی جیهانی بۆ دووربوون لە کاریگەرییە نەخوازراوەکانی گەرما

تەندروستیی جیهانی دەڵێت:

• هەرگیز منداڵ لەناو ئۆتۆمبێل و بارهەڵگردا بەتەنیا بەجێ مەهێڵن
• هەتاوەکو دەتوانن لەبەر سێبەردا بمێننەوە
• جلوبەرگی ڕەنگ کاڵ لەبەر بکەن
• بەلایەنی کەمەوە دەبێت دوو بۆ سێ کاتژمێر لە ڕۆژێکدا لە کەشوهەوای سارددا بمێننەوە
• ڕۆژانە کاتژمێر جارێک کوپێک ئاو بخورێتەوە

زانیاریی زیاتر

• ژمارەی ئەو کەسانەی بەرکەووتەیان بە کەشوهەوای گەرمی لەڕادەبەدەر هەیە بەردەوام لە زیادبووندایە بەهۆی گۆڕانکارییەکانی کەشوهەوا
• کاریگەرییەکانی گەرما لەسەر تەندروستیی کەسەکە بەپێی هۆکارە فیسیۆلۆژییەکانی وەک: تەمەن و بارودۆخی تەندروستیی کەسەکە دەگۆڕێن
• لەو کاتانەی ڕۆژ کە کەشوهەوا زۆر گەرمە، خۆتان لە چوونەدەرەوە و ئەنجامدانی چالاکیی توند بەدوور بگرن

بۆ دەستکەوتنی زانیاریی زیاتر سەبارەت بە کاریگەرییە نەخوازراوەکانی گەرما لەسەر تەندروستی، دەتوانن سەردانی ئەم لینکەی خوارەوە بکەن

https://www.who.int/news-room/fact-sheets/detail/climate-change-heat-and-health