د. هاڤان فەرەیدوون قەفتان، پزیشکی پسپۆری نەخۆشییەکانی شێرپەنجە، لە دیمانەیەکی تایبەتی دێسکی تەندروستیی کەناڵ8 دەڵێت:

• شێرپەنجەی سییەکان هۆکاری یەکەمی گیانلەدەستدانە بەهۆی شێرپەنجەوە
• نزیکەی %70ـی تووشبووانی شێرپەنجەی سییەکان لە قۆناغی بڵاوبووەوەی شێرپەنجەکەدا دەستنیشان دەکرێن
• ڕێژەی گیانلەدەستدانی خانمان بە شێرپەنجەی سییەکان بەراورد بە شێرپەنجەی مەمک دووهێندە زیاترە

باوترین نیشانەکانی شێرپەنجەی سییەکان

پزیشکەکە دەڵێت: ئەم نیشانانەی شێرپەنجەی سییەکان لەبیر مەکەن!

• کەمبوونەوەی ئارەزووی خواردن
• دابەزینی کێشی جەستە بەشێوەیەکی بەرچاو
• هەناسەتوندی و زۆر میزکردن
• ئازاری توندی سنگ و ئاوسانی قاچ
• قەبزی و گۆڕانی شێوەی پەنجەکانی دەست
• هەستکردن بە ماندوویی، بوونی ئازار و ئاوسانی جوومگەکان
• دروستبوونی ئێسکی زیادە لە ئێسکە درێژەکانی جەستەدا

زانیاریی زیاتر:

• پشکنینی سیتی سکانی سنگ باوترین جۆری پشکنینی پێشوەختەی شێرپەنجەی سییەکانە
• کەسانی جگەرەکێش و ئەو کەسانەی بۆماوەی 15 ساڵە وازیان لە جگەرەکێشان هێناوە، پشکنینی پێشوەختەی شێرپەنجەی سییەکان بکەن
• پشکنینی پێشوەختەی شێرپەنجەی سییەکان زیاتر بۆ کەسانی تەمەن نێوان 50-80 ساڵان دەکرێن، چونکە مەترسیی تووشبوونیان بە شێرپەنجەی سییەکان زیاترە
• ئەنجامدانی پشکنینی پێشوەختەی شێرپەنجەی سییەکان ڕێژەی گیانلەدەستدان کەم دەکاتەوە لە کەسانی جگەرەکێشدا

بۆ دەستکەوتنی زانیاریی زیاتر لەسەر شێرپەنجەی سییەکان دەتوانن سەردانی ئەم لینکەی خوارەوە بکەن

https://www.who.int/news-room/fact-sheets/detail/lung-cancer