• گڕوگاڵی قەڵەمێک لە سێ بەرگ پێکهاتووە و باسی مێژوو دەکات
• حەمەی حەمەسەعید وەزیری ڕۆشنبیری و لاوان: وەزارەت بەردەوام دەبێت لە پشتیوانیکردنی پڕۆژە و بەرهەمەکان

بە ئامادەبوونی حەمەی حەمەسەعید، وەزیری ڕۆشنبیری و لاوانی حکومەتی هەرێمی کوردستان، هاوتای ژمارەیەک لە کەسایەتییە ئایینی و ئەدەبییەکان، ڕێوڕەسمی ناساندنی کتێبی "گڕوگاڵی قەڵەمێک" لە نووسینی ڕیاز کاکەیی بەڕێوەچوو.

زانیاریی زیاتر بۆ تۆ:

• کتێبی گروگاڵی قەڵەمێک لە سێ بەرگ پێکهاتووە
• نووسینە مێژووییەکانی نووسەرە لەماوەی خوێندنی لە زانکۆ
• بەرگی یەکەم: مێژووی ئیسلام و موسڵمانان
• بەرگی دووەم: مێژووی کورد و کوردستان
• بەرگی سێیەم: مێژووی جیهان و ئەورووپا

ڕێوڕەسمەکە لە شاری سلێمانی بەڕێوەچوو، تیایدا وەزیری ڕۆشنبیری و لاوان، پێزانین و دەستخۆشیی ئاڕاستەی ڕیاز کاکەیی کرد و جەختی لە چەند خاڵێک کردەوە:

• وەزارەتی ڕۆشنبیری و لاوان بەردەوام دەبێت لە پشتیوانیکردنی پڕۆژە و بەرهەمەکان
• هەوڵی زیاتر دەدەن بۆ خزمەتکردن و پێشخستنی بوارەکانی ڕۆشنبیری، هونەر و وەرزش

ڕیاز کاکەیی کێیە؟

• لە نووسەرە گەنجەکانی کوردە
• گڕوگاڵی قەڵەمێک نوێترین بەرهەمی نووسراویەتی
• کار لە بەرهەمهێنانی کتێبی دەنگی دەکات