• تایبەتە بە خستنەڕووی توانا و بەهرەی منداڵان
• دامەزراوەی کەریمی عەلەکە سەرپەرشتیی دەکات بە پاڵپشتیی دارایی د. تەها ڕەسوڵ
• پانێڵی زانستی، نمایشی هونەرەکان و سروود و گۆرانی لەخۆدەگرێت

دامەزراوەی کەریمی عەلەکە، ئامادەکاریی دەکات بۆ سازکردنی کەرنەڤاڵێکی تایبەت بە منداڵانی بەهرەمەندی کورد.

لە ڕاگەیێنراوەکەی دامەزراوەی کەریمی عەلەکە ئاماژە بەوە دراوە: لە سایەی گۆڤاری وارانی تایبەت بە منداڵان و مێردمنداڵان، کەرنەڤاڵی گەورەی منداڵانی بەهرەمەند سازدەکرێت.

ئەوەی پێویستە بیزانیت:

• کەرنەڤاڵەکە بۆ ناساندنی توانا و بەهرەی منداڵانی کوردە
• پانێڵی زانستی لەخۆدەگرێت
• چالاکی وێنەکێشان و نمایشی بوکەڵە پێشکەش دەکرێن
• بڕگەی سروود و گۆرانی لەخۆدەگرێت
• سەمای بالێ و شانۆگەری پێشکەش دەکرێن

ئامادەکارییەکان بۆ ڕێکخستنی کەرنەڤاڵەکە دەستیانپێکردووە و بە پشتیوانیی دارایی د. تەها ڕەسوڵ سازدەکرێت، لە داهاتوودا وادەی بەڕێوەچوونی ئاشکرا دەکرێت.