• گیانلەدەستدانی نیرمال پورجای شەخەوانی بەناوبانگی بەریتانیا و نۆ هاوڕێی بەهۆی هەرەسهێنانی بەفرەوە.
• کارەساتەکە لەسەر لووتکەی چیای برۆد پیک لە ناوچە شاخاوییەکانی پاکستان ڕوویداوە.
• ئۆپراسیۆنی دۆزینەوە بە پاڵپشتیی هێلیکۆپتەری سەربازی بەردەوامیی هەیە.
• تەمومژ و سەرما ئاستەنگی زۆریان بۆ هێزەکانی ڕزگارکردن دروستکردووە.

کۆمپانیای «ئیلیت ئێکسپێد» بۆ گەشتە ڕێنوێنییەکان بە فەرمی گیانلەدەستدانی نیرمال پورجای شاخەوانی بەناوبانگی بەریتانی-نیپاڵی و نۆ ئەندامی دیکەی تیپەکەی ڕاگەیاند، دوای ئەوەی ڕۆژی پێنجشەممەی ڕابردوو لەسەر لووتکەی چیای برۆد پیک لە پاکستان، ڕووبەڕووی هەرەسی بەفر بوونەوە.

جیهان بۆ پورجا هاوخەمە

کۆمپانیاکە لە ڕاگەیاندراوێکدا هاوخەمیی قووڵی خۆی دەربڕی و ئاماژەی بەوە کرد کە پورجا یەکێک بوو لە مەزنترین و بەئەزموونترین شاخەوانەکانی سەر زەوی و هەموو جیهان خەمبارە بۆ ئەم لەدەستدانە گەورەیە.

تاوەکو ئێستا تیمەکانی ڕزگارکردن توانیویانە شوێنی چوار تەرم بدۆزنەوە و سێیان لە ناوچەکە بگوازنەوە. سەرەڕای نالەباریی کەشوهەوا کە ڕێگری لە فڕینی هێلیکۆپتەرەکان کردووە، هەوڵەکان بۆ دۆزینەوە و دەرهێنانی جەستەی تەواوی قوربانییەکان بەردەوامن.

یەکەمجار و کۆتا جار نییە

هەرەسهێنانی بەفر یەکێکە لە کوشندەترین مەترسییەکانی شاخەوانی، کە وەک پەردەیەکی سپی لەناکاو هیوای گەورەترین پاڵەوانە جیهانییەکانی ژێرخاک کردووە.

مێژووی شاخەوانی پڕییەتی لە ناوی درەوشاوەی وەکو ئانالی کۆپلیخ و ئەلێکس لۆ کە لەبەردەم هێزی بێبەزەییانەی سروشتدا گیانیان لەدەستداو، ئەم ڕووداوە دڵتەزێنانە، بیرخەرەوەی ڕاستییەکی تاڵن کە حەزی شاخەوانان بۆ گەیشتن بە لوتکەکان هەندێک جار باجەکەی قورس دەبێت.