ئێندریک گەڕاوەتەوە بۆ ڕیاڵ مەدرید دوای ئەوەی وەرزی ڕابردوو بە خواستن ڕوویکردە لیۆنی فەڕەنسی، هێرشبەرە بەڕازیلییەکە لە لیۆن ئاستی زۆرباش بوو، بەڵام لە ریاڵ لەگەڵ هەریەکە لە ڕاهێنەران ئەنچیلۆتی، ئەلۆنسۆ و ئاربێلوا هەلی یاریکردنی زۆری نەبوو
ئێستا لەگەڵ هاتنی مۆرینیۆ وەکو ڕاهێنەری نوێی شاهانەکان، لەوانەیە هەمان چیرۆک لەگەڵ ئێندریک دووبارە ببێتەوە، بەتایبەت ئەگەر هێرشبەرێکی دیکە بێت.

• ئێندریک لە هاوینی 2024 ڕوویکردە ریاڵ مەدرید
• لە 2006 لەدایکبووە و تەمەنی 21 ساڵە
• لەگەڵ ریاڵ مەدرید تاوەکو 2030 گرێبەستی هەیە
• ئێندریک تاوەکو ئێستا 162 یاریی کردووە، خاوەنی 47 گۆڵ و 12 ئەسیست
• لەگەڵ لیۆن وەرزی ڕابردوو 8 گۆڵ و 7 ئەسیستی هەبوو

لە پێناو کریستیانۆ و ڤینیسیۆس

ئێندریک هەمیشە ئامادەیی خۆی پیشان داوەبۆ یاریکردن، هەر دوێنێش دوای یاریی ریاڵ و فیۆرێنتینا گوتی لە پێناو ڤینیسیۆس و کریستیانۆ ڕۆنالدۆ حەزدەکەم بمێنمەوە و خزمەتی یانەکە بکەم، بەڵام داهاتووی نادیارە.

.
رۆژنامەی ئەی ئێس دەڵێت : ئێندریکیش یەکێکە لەو یاریزانانەی ئەگەری هەیە بەر لیستی ماڵئاوایی بکەوێت، بەتایبەت دوای ئەوەی کارلۆس ئێسپی لاوێکی تەمەن 21 ساڵی باڵا بەرز هاتووەتە ریاڵ مەدرید و لەسەر داوای مۆرینیۆش بووە.
ئێندریک تا ساڵی 2030 گرێبەستی هەیە، بەڵام ریاڵ مەدرید دەیەوێت بە خواستن بیداتە یانەی دیکە، یاریزانەکە لە لێواری رۆشتن و مانەوەیە، بەڵام داوای مافی خۆی کردووە کە وەڵامێکی کۆتایی بدەنێ، نەک هەر ئێندریک، بەشێکی میدیاکان باس لە ڕۆشتنی ئەسێنسیۆ و کاماڤینگاش دەکەن، ئەوانیش وەکو ئێندریکی داهاتوویان بەتەواوی ٪100 ڕوون نییە.