عەلی زەیدی: ئاوەدانکردنەوەی شنگال گەورەترین وەفادارییە بۆ قوربانییانی ئێزدی
رێبوار حەمەوەیس 1 کاتژمێر پێش ئێستا
پووختەی هەواڵەکە:
- عەلی زەیدی داوای ئاشکراکردنی چارەنووسی ڕفێندراوەکانی ئێزدی و قەرەبووکردنەوەی ڕزگاربووان دەکات.
- سەرۆکوەزیران ئاوەدانکردنەوەی شنگال بە مەرجی سەرەکی بۆ گەڕانەوەی شکۆمەندانەی ئاوارەکان دەزانێت.
- جەخت لە مانەوەی چەک لە دەستی دەوڵەت و وشککردنی سەرچاوەکانی گەندەڵی دەکرێتەوە.
- حکومەتی فیدراڵ بەڵێندەدات ڕێگری لە دووبارەبوونەوەی تاوانی هاوشێوەی جینۆسایدی ئێزدییەکان بکات.
عەلی زەیدی، سەرۆکوەزیرانی عێراق، لە دوازدەهەمین ساڵیادی جێنۆسایدی ئێزدییەکاندا راگەیێنراوێکی بڵاوکردەوە و نەخشەڕێگایەکی نوێی بۆ داهاتووی شنگال و ناوچە زیانلێکەوتووەکان خستووەتە ڕوو. زەیدی پێیوایە تەنها ئاساییکردنەوەی دۆخی ناوچەکە و گەڕانەوەی ئارەزوومەندانەی ئاوارەکان دەتوانێت ئەو برینە ساڕێژ بکات کە ویژدانی مرۆڤایەتی هەژاندووە. ئەم هەڵوێستە هاوکاتە لەگەڵ بەڵێنی توند بۆ سنووردارکردنی چەک لە دەستی دەوڵەتدا بۆ پاراستنی سەروەریی وڵات.
سەرۆکوەزیرانی عێراق:
- تاوانی داعش دەرهەق بە ئێزدییەکان یەکێک بوو لە دڕندانەترین تاوانەکان لە مێژووی نوێدا.
- وەفاداری بۆ قوربانییان تەنها لە ڕێگەی بەدیهێنانی دادپەروەری و ئاشکراکردنی چارەنووسی ڕفێندراوەکان دەبێت.
- پێویستە ژینگەیەکی ئەمنی و کارگێڕی گونجاو بۆ گەڕانەوەی ئاوارەکان بۆ سەر ماڵ و حاڵی خۆیان دابین بکرێت.
- دەوڵەت وەک پارێزەری مافی هەموو پێکهاتەکان دەمێنێتەوە و کار بۆ چەسپاندنی ئاسایش دەکات.
- ستایشی قوربانیدانی هێزە ئەمنییەکان و پاڵپشتیی هاوپەیمانی نێودەوڵەتی دەکات لە تێکشکاندنی داعشدا.
زانیاری زیاتر بۆ تۆ
رێبوار حەمەوەیس
1 کاتژمێر پێش ئێستا