پوختەی هەواڵ:

• جولیان ئەلڤارێز دەگەڕێتەوە بۆ مەشقەکانی ئەتلەتیکۆ مەدرید و هێشتا خوازیاری یاریکردنە لە بەرشلۆنە.
• ئەلڤارێز مکوڕە لەسەر چوون بۆ بەرشلۆنە، بەڵام ئەتلەتیکۆ داواکارییەکەی بەرشلۆنەی ڕەتکردووەتەوە.
• ئەتلەتیکۆ گرێبەستی 150 ملیۆن یۆرۆی ڕیال مەدریدیشی ڕەتکردووەتەوە.
• ئارسناڵ لە کێبڕکێی گواستنەوەی ئەلڤارێز کشاوەتەوە و سەرنجی خستووەتە سەر بژاردەی دیکە.
• ئەگەر ئەلڤارێز بە ئاشکرا گوشاری ڕۆیشتن بکات، پەیوەندییەکانی لەگەڵ هاندەران و دیێگۆ سیمۆنی ئاڵۆز دەبێت.

جولیان ئەلڤارێزی ئەرجەنتینی، بۆ سەلماندنی پیشەگەریی خۆی، پەیوەندی بە یەکەی مەشق و ڕاهێنانەکانی ئەتلەتیکۆ مەدریدەوە دەکاتەوە بۆ ئامادەکارییەکانی وەرزی نوێ، سەرەڕای ئەوەی هێشتا داوای جێهێشتنی یانەکە دەکات.

تەنیا بەرشلۆنەی دەوێت

بەگوێرەی زانیارییەکانی ڕۆژنامەی «سپۆرت»ی ئیسپانی، ئەلڤارێز تەنیا داوای چوون بۆ بەرشلۆنە دەکات و ڕەتی کردووەتەوە بچێتە هیچ یانەیەکی دیکە، بەڵام ئیدارەی ئەتلەتیکۆ تاوەکو ئێستا پێشنیازەکەی بەرشلۆنەی پەسەند نەکردووە و پێیان وایە بڕی پێشکەشکراو زۆر لەوە کەمترە کە چاوەڕوانیان کردووە، هاوکات ئۆفەرێکی ڕیال مەدریدیشیان بە بڕی 150 ملیۆن یۆرۆ ڕەتکردووەتەوە.

لە لایەکی دیکەوە، ئارسیناڵ لە هەوڵەکانی بۆ هێنانی ئەم هێرشبەرە کشاوەتەوە. بەرشلۆنەش بە هێمنی چاودێریی دۆخەکە دەکات بە هیوای ئەوەی ئەتلەتیکۆ نەرمی پیشان بدات، لە کاتێکدا ئەگەر ئەلڤارێز بە ئاشکرا داوای ڕۆیشتن بکات، ڕەنگە پەیوەندی لەگەڵ دیێگۆ سیمۆنیی ڕاهێنەر و هاندەرانی مەدرید تێکبچێت.