پووختەی هەواڵ

• خۆپیشاندانی فراوان لە دژی حکومەتی خۆجێی ڕەققە

• خراپی دۆخی ژیان و بڕیارەکانی پارێزگار

• تێکدانی خانووی بەشێک لە نیشتتەجێبوانی چەند گەڕەکێک

• نیگەرانی جووتیاران لە کەمی بەهای بەرهەمە خۆماڵییەکان

---

لە ڕەققە خۆپیشاندانى بەرفراوان لە دژى حکومەتى خۆجێیی کرا و خۆپیشاندەران داواى لابردنى پارێزگار دەکەن، هۆکارەکەشى بۆ خراپیى دۆخى ژیان و ئەو بڕیارانە دەگێڕنەوە کە پارێزگار پەیوەست بە کەرتی نیشتەجێبوون و بەرهەمە خۆماڵییەکان داونی.

---

 خراپی دۆخی بژێوی دانیشتوان

وەک لە دیمەنەکاندا دەردەکەوێت، خۆپیشاندەران پێکەوە هاوار دەکەن گەل لابردنى پارێزگارى دەوێت، هۆکارەکەشى بۆ خراپیى بژێوى ژیان و ئەو بڕیارانە دەگێڕنەوە کە لەماوەى ڕابردوو پەیوەست بە بژێوى و نیشتەجێبوون دراون.

ڕووخاندنی خانووی بەشێک لە گەڕەکەکان

سەرەکیترین هۆکارى خۆپیشاندانەکە تێکدانى خانووى بەشێک لە نیشتەجێبووانى چەند گەڕەکێکى پارێزگاکەیە بەبیانووى ڕێکخستنەوەى کەرتى نیشتەجێبوون و داواى هەڵوەشاندنەوەى بڕیارەکان دەکەن.

توڕەیی جووتیاران لە کەمی نرخی بەرهەمەکانیان

هۆکارێکى دیکەى توڕەیی و ناڕەزایی خەڵکى پارێزگاى ڕەققە دەگەڕێتەوە بۆ کەمیى بەهاى بەرهەمە خۆماڵییەکان بەتایبەت بەروبوومى گەنمى ئەمساڵ و جووتیاران توڕە و نیگەرانن کە نرخى گەنمەکانیان وەک پێویست نەبووە.

دابەزینى بەهاى لیرەى سوورى و بەرزبوونەوەى نرخەکان دوو هۆکارى سەرەکین کە بژێویى ژیانى زۆریینەى سوورییەکانى قورسترکردووە.

زانیاری زیاتر بۆ تۆ