سمکۆ ئەحمەد لە شێوەکارە هاوچەرخەکانی کوردە
حەسەن فەلاح 3 کاتژمێر پێش ئێستا
- ساڵی 1972 لە سلێمانی لەدایکبووە
- هەڵگری بڕوانامەی ئەندازیاری شارستانییە لە زانکۆی سەڵاحەددین
- لە ژاپۆن لە کۆلێژی هونەرەجوانەکانی زانکۆی تۆکیۆ هونەری خوێندووە
لەڕێگەی کەناڵ و تەلەڤیزیۆنەکانی ژاپۆنەوە و بە ڕێکخستنی پێشانگە، دەنگی کوردستانم گەیاندووەتە ملیۆنان بینەری ژاپۆنی
لە ئاستی کارکردندا، سمکۆ ئەحمەد خاوەنی سەدان پارچەی هونەرییە، جگە لە دروستکردنی وێنە و تابلۆ، کتێبی تایبەت بە شێوەکاریی چاپکردووە و لە ژاپۆن و ئەمریکا بڵاویکردوونەتەوە، لەوانە:
- بەهار هەرگیز نامرێت
- ڕەنگەکانی بەهەشت
- چۆلەکەکانی بەهەشت
- باران ئارت
سمکۆ ئەحمەد، هاوبەشە لەگەڵ ڕێکخراوی شنەبای ئاشتیی ژاپۆن، سەردانی ئەو وڵاتانەی کردووە کە کاریگەرن بە جەنگ و ئیلهامی هونەریی لێیانەوە وەرگرتووە، لەوانە:
- کۆسۆڤۆ و بۆسنە
- سیرالیۆن
- لایبریا
- ئەفغانستان
- پاکستان
- مەنگۆلیا
بەرهەمەکانی سمکۆ ئەحمەد، لە سایەی ئەو کارە مرۆییانەی ئەنجامیان دەدات، چەقدابەستوو نین، بەڵام بەشێوەیەکی گشتی سەر بە دوو ڕێبازن:
- سوریاڵیزمی هاوچەرخ
- ئابستراکت
سمکۆ ئەحمەد تاوەکو ئێستا لە تاراوگە دەژی و بەردەوامە لە کارە هونەری و مرۆییەکانی
حەسەن فەلاح
3 کاتژمێر پێش ئێستا