هەڵکۆڵینی شوێنەواری چییە و چۆن ئەنجام دەدرێت؟
حەسەن فەلاح 1 کاتژمێر پێش ئێستا
بەڕێوەبەرایەتیی گشتیی شوێنەوار و کەلەپووری هەرێمی کوردستان، لە بڵاوکراوەیەکی نوێدا، چییەتی و چۆنییەتی ئەنجامدانی هەڵکۆڵینی شوێنەواری خستووەتە ڕوو.
هەڵکۆڵینی شوێنەواری: پڕۆسەیەکی وردی زانستی و سیستماتیکییە، کە ئامانج لێی دۆزینەوە، پاراستن و لێکدانەوەی پاشماوە کۆنەکانی مرۆڤە، بەمەبەستی تێگەیشتن لە مێژوو و شارستانییەتەکان.
بۆ ئەنجامدانی هەڵکۆڵینی شوێنەواری، شوێنەوارناس پێویستی بەم کەرەستانە دەبێت:
- تیمی پسپۆڕ: شوێنەوارناس، شارەزای زمانە دێرینەکان، زەویناس، مرۆڤناس، شارەزای کیمیا، ڕووەکناس و ئاژەڵناس
- کەرەستە: خاکەناس، تەوشی، فڵچەی نەرم، چەمچەی تایبەت و دەستکێش
- ئامێری پێشکەوتوو: کامێرای وردبین، کامێرای پێوانەیی، سۆنەری ژێر زەوی، ئامێری پشکنینی کیمیایی
- کەرەستەی تۆمارکردن: تیانووسی مەیدانی، نەخشە، کۆمپیوتەر، سیستەمی زانیاریی جوگرافی، داتابەیس
هەڵکۆڵینی شوێنەواری چۆن ئەنجام دەدرێت؟ (قۆناغەکانی کارکردن)
- ڕووپێوی
- دانانی پلانی کار
- هەڵکۆڵین بەگوێرەی چینەکان
- تۆمارکردن و وێنەگرتن
- گواستنەوە و پاککردنەوە
ئامانج لە هەڵکۆڵینی شوێنەواری:
- پاراستنی مێژوو
- تێگەیشتن لە ڕابردوو
- پڕکردنەوەی کەلێنە مێژووییەکان
- دانانی بناغە بۆ گەشتیاری و ناسنامەی شوێن
حەسەن فەلاح
1 کاتژمێر پێش ئێستا