• دوو دامەزراوەی سنووری سلێمانی کارەکە ئەنجامدەدەن
• گڵکۆی پیرەمەگرونیش نۆژەندەکرێتەوە
• داوایەک ئاڕاستەی بەڕێوەبەرایەتی گەشتوگوزاری سلێمانی دەکرێت: ئاوڕ لە شوێنە گەشتیارییەکان بدەنەوە

---

کارەکانی نۆژەنکردنەوەی گڵکۆی تۆفیق وەهبی بەگ، نووسەر، زمانەوان و مێژوونووسی گەورەی کورد دەستیانپێکرد.

---

ئەوەی پێویستە بیزانیت:

• ڕێکخراوی گەشەپێدانی مەدەنییەت CDO و مۆزەخانەی نیشتمانیی ئەمنە سوورەکە نۆژەنکردنەوەکە ئەنجامدەدەن
• بەڕێوەبەرایەتیی شوێنەواری سلێمانی هەماهەنگی پڕۆسەکەیە
• گڵکۆی پیرەمەگرونیش نۆژەندەکرێتەوە
• پڕۆسەکە لە سەیرانگەی زێوێ لە سنووری سلێمانی ئەنجامدەدرێت

---

هەردوو لایەنی جێبەجێکاری نۆژەنکردنەوەکە، داواکارییەک ئاڕاستەی بەڕێوەبەرایەتیی گەشتوگوزاری سلێمانی دەکەن:

• ئاوڕ لە شوێنە گەشتیارییەکان بدرێتەوە
• شوێنە گەشتوگوزاری و کەلەپوورییەکانی سنووری سلێمانی پشتگوێ خراون

---

تۆفیق وەهبی بەگ کێیە؟

• نووسەر، زمانەوان، مێژوونووس، سیاسەتمەدار و ئەفسەری سەربازی بووە
• یەکی کانوونی دووەمی 1891 لە سلێمانی لەدایکبووە و لە تەمەنی 93 ساڵیدا کۆچی دوایی کردووە
• بە سێ زمانی کوردی، عەرەبی و ئینگلیزی بەرهەمی بڵاوکردووەتەوە