• تیپی موزیکی سەنتەرەکانی چالاکی گەنجانی منداڵپارێزی کوردستان سازی دەکەن
• ڕێکەوتی 12ی ئاب لە ڕۆژی گەنجان سازدەکرێت
• نمایشی دەستڕەنگینی، کشتوکاڵی و تەکنەلۆجی ئەنجامدەدرێت

---

ڕێکخراوی منداڵپارێزی کوردستان، بە سەرپەرشتیی پارێزگای هەڵەبجە، بە هاوبەشیی بەڕێوەبەرایەتیی گشتیی ڕۆشنبیری و هونەری شارەکە، ئامادەکاری دەکات بۆ سازکردنی کۆنسێرتێکی تایبەتی موزیک و گۆرانی.

---

ئەوەی پێویستە بیزانیت:

• ڕێکەوتی 12ی ئاب لە ڕۆژی گەنجان کۆنسێرتەکە سازدەکرێت
• بە ناونیشانی سەدەیەک لە موزیک و داهێنان چالاکییەکان بەڕێوەدەچن
• چەندین پارچەی موزیکی بەمەبەستی گەشتێک بە سەدەیەک لە موزیکی ڕەسەنی کوردی پێشکەش دەکرێت
• تیپی موزیکی سەنتەرەکانی چالاکیی گەنجانی منداڵپارێزی کوردستان بەرهەمەکان پێشکەش دەکەن
• عادل هەورامی و جەهانگیر جەلال هونەرمەندانی بانگهێشتکراون

---

هاوتای پێشکەشکردنی موزیک و گۆرانی، بۆنەکە چەند چالاکییەکی دیکەش لەخۆدەگرێت:

• نمایشی دەستڕەنگینی
• بەرهەمی کشتوکاڵی
• تەکنەلۆجیا و داهێنان

12ی ئاب، لە هۆڵی ڕوانگەی هەڵەبجە، کاتژمێر چوار و نیوی پاشنیوەڕۆ بۆنەکە دەستپێدەکات.