پوختەی هەواڵ:

• مۆرینیۆ سێ یاسای نوێ و جدی داناوە کە هیچ یاریزانێک نابێت خۆی لێ لابدات
• کەس بۆی نییە هەموو خواردنێک بخوات
• درەنگکەوتن نییە
• چاکبوونەوە لە پێکان لە دەرەوەی یانەکە قەدەغەیە

سێ یاسا نوێیەکەی سپێشەڵ وەن

لەگەڵ چوونی جۆزێ مۆرینیۆ بۆ ریاڵ مەدرید، گۆڕانکاریی و یاسای نوێ لە ناو ژووری جلگۆڕینی یانەکە ڕوودەدات.

نەهێشتنی ئازادی لە خواردندا: یاریزانان لەمەودوا ناتوانن بە ئارەزووی خۆیان چییان ویست بیخۆن؛ بەرنامەی خۆراکییان لەلایەن پسپۆڕی خۆراکەوە بە شێوازێکی ڕێکخراو و دیاریکراو بەڕێوەدەبرێت.
سزادانی توند بۆ درەنگکەوتن: هەر یاریزانێک تەنانەت خولەکێکیش درەنگ بکەوێت لە ڕاهێنانەکان، سزادەدرێت و دەبێت بە تەنیا لە هۆڵی وەرزشی ڕاهێنانەکانی بکات.
چاکبوونەوە لە پێکان لە ناو یانەکەدا: پرۆسەی چاکبوونەوە لە پێکان دەبێت تەنیا لە ناو سەنتەری پزیشکیی یانەکە و لەژێر چاودێری ستافی یانەکەدا بێت، نەک لە دەرەوە لەگەڵ ستافی تایبەتی دەرەکی.