سەلام تاهیر

​لەگەڵ نزیکبوونەوەی دەستپێکردنەوەی خولی ئەستێرەکانی تۆپی پێی عێراق، با هەموومان پێکەوە یاریگای نەورۆز بکەینە لانەی ڕوویەکی جوانی شارەکەمان و پشاندانی باڵاترین بەهای وەرزشی .

با ئەم خولە بکەینە دەرفەتێک بۆ پێشوازیکردنێکی شایستە لە یانەی میوان و هاندەرەکانیان.

​ بنەما سەرەکییەکانی هاندانی نموونەیی :
​میوانداری و ڕێزگرتن:
پێشوازییەکی گەرم لە یانە میوانەکان و هاندەرانیان بکەین ، دوور بکەوینەوە لەو ڕەفتارانەی کە بەرامبەرەکەمان پێی ناخۆش دەبێت.
​ڕێزلێنانی ناوبژیوانان:
لە کاتی بردنەوە یان دۆڕاندندا، هەمیشە ڕێزی ناوبژیوانان بگرین، تەنانەت ئەگەر هەڵەشیان هەبێت.
​پشتیوانیی بێوچان:
بە جۆش و خرۆشەوە هانی یانەکە بدەین و هەوڵ بدەین زۆرترین هاندەر لە یاریگادا ئامادە بێت.
​ دوور بکەوینەوە لە وتنەوەی هەر دروشم یان قسەیەکی نەشیاو کە یانەو هاندەرانی بەرامبەر پێیان ناخۆش بێت .
​پاراستنی ژینگە و کەلوپەل:
​پاراستنی کەلوپەل و پێداویستییەکانی ناو یاریگا بەشێکی سەرەکییە لە هاندان و بەرپرسیارێتی .
با دوای تەواوبوونی یارییەکە، هەموان پێکەوە یاریگاکە پاک بکەینەوە ، چونکە یاریی داهاتوو دیسانەوە هەموومان لە هەمان شوێن دەبینەوە .
با گشت هاندەرانی هەرچوار یانەکەی کوردستان یەک دەنگ و یەک ڕەنگ بین بەرامبەر یانەکانی تری عێراق .
​با هەموومان پێکەوە ڕوویەکی جوانی سلێمانی و یانەی نەورۆز پیشانی هەمووان بدەین