پووختەی هەواڵ

• سزادانی ئەفسەرێک و سێ کارمەندی پۆلیس

• داگای سزای 10 ساڵ زیندانیکردن و دەرکردنیان لە پیشەکەیان بۆ دەرکردن

• چاپۆشی ناکرێت لە سووکایەتیکردن بە شکۆی مرۆڤەکان

---

فەرماندەیی پۆلیسی دیوانیە ئاشکرای دەکات، ئەو ئەفسەر و سێ کارمەندەی پۆلیس، کە دەستدرێژیی سێکسیان کردبووەسەر ژنێکی بەندکراو، سزادران.

---

پۆلیسی دیوانیە باسلەوە دەکات، دادگای هێزەکانی ئاسایشی ناوخۆ، بڕیاریداوە بە سزادانی ئەفسەرێک و سێ کارمەندی بنکەی پۆلیسی نەهزە، بە 10 ساڵ زیندانیکردن و دەرکردنیان لە پیشەکەیان.

ڕووداوەکەی 10 ڕۆژ لەمەوبەر

ڕۆژی 1ـی ئەم مانگە، وەزارەتی ناوخۆی عێراق بڵاویکردەوە، ئەفسەرێک و سێ کارمەندی پۆلیسیان بەهۆی تێوەگلانیان لە دەستدرێژیکردنەسەر ژنە ڕاگیراوێک، دەستگیر کردووە.

وەزارەتی ناوخۆ باسیلەوەکرد، بە هیچ شێوەیەک چاوپۆشی لە سووکایەتیکردن بە شکۆی مرۆڤ ناکەن و ڕێکاری یاسایی توندیان گرتووەتە بەر.

تۆمەتباران بە ماددەی 14ی هێزەکانی ئاسایشی ناوخۆ دەستگیرکرابوون

پێشتریش فەرماندەیی پۆلیسی دیوانیە پشتڕاستی کردەوە، تۆمەتباران دەستدرێژییان کردووەتەسەر ئەو ژنە ڕاگیراوە و بەگوێرەى ماددەی 14ی هێزەکانی ئاسایشی ناوخۆ ڕەوانەی دادگا کران.

زانیاری زیاتر بۆ تۆ

دەستگیرکردنی ئەفسەر و سێ پۆلیس بە تۆمەتی دەستدرێژی لە دیوانییە