جۆرج ئاڕ. ئاڕ. مارتن لەبارەی فشارەکانی دەدوێت

سەرقاڵی نووسینی شەشەم ڕۆمانی زنجیرەی گەمەی تەختە پادشاییەکانە
تەواونەکردنی دوایین ڕۆمانی بە شکستی ژیانی خۆی ناودەبات
بۆ مارتن ساڵی 2026 پڕ بووە لە دڵەڕاوکێ و لەدەستدان

جۆرج ئاڕ. ئاڕ. مارتن، گەورە نووسەری ئەمریکی، بەردەوامە لە دواخستنی وادەی بڵاوکردنەوەی دوایین ناونیشانی سەر بە جیهانی گەمەی تەختە پادشاییەکان و لە نوێترین لێدواندا دەڵێت:

ساڵی 2026 بۆ من ساڵێکی پڕ لە دڵەڕاوکێ بوو
چەندین هاوڕێم لەدەستدا
گرفتارم بەدەست هەڵچوونی تەمەنەوە
هەموو ڕووداوەکانی ژیانم کاریگەرییەکی زیادەم لەسەر دروستدەکەن

قسەکانی مارتن پاش شەش مانگ دێت لە دوورکەوتنەوەی لە بڵۆگە تایبەتییەکەی لە ئینتەرنێت.

چی لەبارەی بەشە نوێیەکەی زنجیرەی گەمەی تەختە پادشاییەکان دەزانین؟

ڕۆمانەکە بە ناونیشانی The Winds of Winter دوایین و شەشەم بەرگی زنجیرەی A Song of Ice and Fire دەبێت
لە ساڵی 2011ـەوە مارتن کاری لەسەر دەکات
چاودێران بۆ چاوەڕوانکراوترین ڕۆمانی هاوچەرخ ناوی دەبەن
مارتن ئەم ڕۆمانە بە نەفرینەکەی ژیانی خۆی ناودەبات
سەرەتای ساڵ ئاشکرای کرد کە زیاتر لە هەزار و 100 پەڕەی لێ نووسیوە

بەشێکی زۆر لە گرفتە دەروونییەکانی مارتن لەبارەی ڕۆمانە بڵاونەکراوەکەیەتی و دەڵێت:

تەواوکردنی ئەم ڕۆمانە تەواوکردنی زنجیرەکەیە
تەواونەکردنی ڕۆمانەکە شکست دەبێت بۆ ژیانم
تاوەکو ئێستا وادەی تەواوکردن و بڵاوکردنەوەی دیار نییە

جۆرج ئاڕ. ئاڕ مارتن:

20ی کانوونی یەکەمی 1948 لە نیو جێرزی ئەمریکا لەدایکبووە
لە منداڵییەوە خولیای کۆمیک، خەیاڵی زانستی و چیرۆکی کردووە و چیرۆکی بۆ منداڵانی گەڕەک نووسیوە
بە هەرزەکاری کاری بۆ گۆڤاری کۆمیک کردووە
کۆلێجی ڕۆژنامەوانی تەواوکردووە
حەفتاکانی سەدەی ڕابردوو بووە بە نووسەرێکی بەناوبانگ
یەکەم ڕۆمانی لە ساڵی 1977 بە ناونیشانی Dying of the Light بڵاوکردووەتەوە
سەرەتای نەوەدەکان زنجیرە ڕۆمانی جیهانی گەمەی تەختە پادشاییەکانی دەستپێکردووە
11 ڕۆمان، ژمارەیەک نۆڤلێت، کۆکراوەی چیرۆک و دەیان کورتەچیرۆکی نووسیوە
براوەی 18 خەڵاتی ئەدەبیی جیهانییە