پارەی گەورەترین تابلۆی جیهان نادیارە

لە سەردەمی کۆرۆنا و لەلایەن هونەرمەندێکی بەریتانییەوە دروستکراوە
ساڵی 2021 و لە دوبەی بە 62 ملیۆن دۆلار فرۆشرا
پارەکەی بۆ ئاژانسەکانی یونسکۆ و یونسێف دەستنیشان کرابوو بەڵام پێیان نەگەیشتووە
دادگای دوبەی کڕیار و فرۆشیاری تابلۆکە بە بەرپرسیاری دیارنەمانی پارەکە دەزانێت

تابلۆیەکی گەورە و زەبەلاح، کە لە سەردەمی کۆرۆنا دروستکرا، لە زیادکردنێکی ئاشکرا و بە ملیۆنان دۆلار لە ساڵی 2021 فرۆشرا و ئامانج لێی کۆکردنەوەی هاوکاری و پارە بوو بۆ منداڵانی یونسێف و یونسکۆ، بەڵام تاوەکو ئێستا، هەردوو ئاژانسەکە پارەکەیان وەرنەگرتووە.

ئەوەی پێویستە بیزانیت:

تابلۆکە ساڵی 2020 لەلایەن ساشا جافری هونەرمەندی بەریتانی دروستکراوە
قەبارەکەی 17 هەزار پێ چوارگۆشەیە
هەڵگری تۆماری گینسە بۆ گەورەترین تابلۆ
ساڵی 2021 بە 62 ملیۆن دۆلار لە دوبەی فرۆشرا

گرفتە سەرەکییەکە:

فرۆشتنی ئەم تابلۆیە ئامانج لێی کۆکردنەوەی هاوکاری بوو بۆ منداڵانی سەر بە ئاژانسەکانی یونسێف و یونسکۆ
پێنج ساڵە تابلۆکە فرۆشراوە و ئاژانسەکان تاوەکو ئێستا پارەکەیان پێ نەگەیشتووە
کڕیاری تابلۆکە بازرگانێکی بواری ئاڵوگۆڕی دراوی ئەلیکترۆنییە و پابەند نەبووە بە گرێبەستەکە

لایەنەکان چی دەڵێن؟

دامەزراوەی Dubai Cares – بەرپرسیار لە وەرگرتن و گەیاندنی پارەکە: کڕیار نەیتوانیوە تەواوی پارەکەمان پێ بدات.
دادگای دوبەی: فرۆشیار و کڕیار پابەند نین بە مامەڵەکە و بەگوێرەی مەرجەکان بەرپرسیارن.
جافری هونەرمەند: بەرپرسیار نیم و من تەنیا هونەرمەندم و تابلۆکەم بەخشیوە.

ساڵی 2022، دامەزراوەی دوبەی کەیرس، بڕی ملیۆنێک و 900 هەزار دۆلاری بە یونسێف داوە، بەڵام سەرپەرشتیارانی ئاژانسەکە ڕەتی دەکەنەوە، پارەکە بەشێک بێت لە مامەڵەی فرۆشتنی تابلۆکە.

گرفتەکان بەردەوامن و تاوەکو ئێستا دادگا دۆسیەکەی یەکلایی نەکردووەتەوە.