ئەوەی پێویستە بیزانیت:

• کۆنسێرتەکە بۆ پاڵپشتیکردنە لە تووشبووانی شێرپەنجە و نەخۆشخانەی هیوا
• 27ی ئاب لە هۆڵی تەلاری هونەری سلێمانی سازدەکرێت
• دوو ڕۆژ بەردەوام دەبێت
• تەواوی داهاتی کۆنسێرتەکە دەچێتە سەر هەژماری نەخۆشخانەی هیوا لە بانکی سلێمانی
• بەڕێوەبەرایەتیی چاودێریی دارایی سلێمانی چاودێریی پڕۆسەکە دەکات

---

لە کۆنگرەیەکی ڕۆژنامەوانیدا، کەمال محەممەد، هونەرمەند و گۆرانیبێژی ناسراوی کورد، سازکردنی کۆنسێرتێکی خێرخوازیی تایبەتی بەمەبەستی پاڵپشتیکردن لە نەخۆشخانەی هیوا ڕاگەیاند.

---

ئەمڕۆ دوو شتی زۆر جوانمان کۆکردووەتەوە، کە هەردوکیان مۆرکی شاری سلێمانین: ئەوانیش کەمال محەممەد و نەخۆشخانەی هیوان

د. یاد نەقشبەندی – بەڕێوەبەری نەخۆشخانەی هیوا

---

پارەکە بۆ چی تەرخان دەکرێت؟

• پڕۆژە
• کڕینی دەرمان
• نۆژەنکردنەوە
• کڕینی ئامێر

---

خێرخواز، سەرمایەداران و لایەنە سیاسییەکان بەشدار بن لە کڕینی بلیتی ئەم کۆنسێرتە

د. یاد نەقشبەندی – بەڕێوەبەری نەخۆشخانەی هیوا

---

شێوازی کڕینی بلیت بە دوو جۆرە:

• ئۆنڵاین
• دەستی

---

خۆشحاڵ و خۆشبەختم کە بتوانم شتێک بکەم بۆ ئازاری منداڵەکان... ئەگەر سواڵ بکەم بۆ ئەم نەخۆشخانەیە هێشتا کەمە

کەمال محەممەد

---

کەمال محەممەد لە چوارچێوەی کۆنگرەکەدا داوای ئاسانکاریی لە لایەنەکانی هەولێر کرد و وتی: گەر بتوانم لە هەولێریش کۆنسێرت سازدەکەم بۆ هاوکاریکردنی نەخۆشخانەی نانەکەلی.

---

لە ناوەڕۆکدا، ئەم کۆنسرێتە، بە ناونیشانی "هیوایەک بۆ هیوا" بەرهەمێکی نوێ لەخۆدەگرێت، کە دەقەکەی لە نووسینی ئیسماعیل تاڵەبانییە و تایبەتە بە نەخۆشانی شێرپەنجە؛ هاوکات ژمارەیەک گۆرانی کۆن و دیکەی کەمال محەممەد پێشکەش دەکرێن.