نوسینگەی قوباد تاڵەبانی چارەسەری ڕێبوار ڕەحیم لەئەستۆ دەگرێت
حەسەن فەلاح 2 کاتژمێر پێش ئێستا
ئەوەی پێویستە بیزانیت:
- تەواوی تێچووی چارەسەرەکان لە ئەستۆی نوسینگەی قوباد تاڵەبانی دەبێت
- بۆ مەبەستی وەرگرتنی چارەسەر ڕێبوار ڕەحیم ڕوو لە سویسرا دەکات
- نەخۆشییەکەی ڕێبوار ڕەحیم لە چاویدایە
- بەهۆی ڕووداوێکی نەخوازراوەوە زەبر بەر چاوی کەوتووە
بڕیارە، ڕێبوار ڕەحیم، هونەرمەندی ناسراوی کورد، بەمەبەستی وەرگرتنی چارەسەر، ڕوو لە دەرەوەی وڵات بکات و تەواوی تێچووی چارەسەرەکەشی لەلایەن نوسینگەی قوباد تاڵەبانییەوە لەئەستۆ گیراوە.
پێشووتر ڕێبوار ڕەحیم، بە کولتووری کەناڵ8ی گوت، کە بەمەبەستی پشکنین و وەرگرتنی چارەسەر، چەند جارێک ڕووی لە تاران کردووە و چارەسەری نەخۆشییەکەشی لە وڵاتی سویسرایە.
ڕێبوار ڕەحیم:
- بەنزیکەی 35 ساڵە خزمەتی هونەری کوردی دەکات
- بە کارەکتەری خاڵە بەکر ناسراوە
- لە دەیان فیلم و زنجیرەی تەلەڤیزیۆنییدا بەشدار بووە
حەسەن فەلاح
2 کاتژمێر پێش ئێستا