پووختەی هەواڵەکە:

• ڕۆژی سێشەممە 18ـی ئاب دەست بە دابەشکردنی مووچە دەکرێت

• ڕۆژی 20ـی ئاب کۆتایی بە دابەشکردنی مووچەی مانگی تەمموز دێت

وەزارەتى دارایی و ئابووریی هەرێمى کوردستان، لیستى دابەشکردنى مووچەى مانگى تەمووزى فەرمانبەران و مووچەخۆرانى هەرێمى کوردستانى بڵاوکردەوە.

ڕاگەیێنراوی وەزارەتی دارایی و ئابووری

بەگوێرەى ڕاگەیەندراوى وەزارەتەکە، ڕۆژی سێشەممە 18ـى ئاب دەست بەدابەشکردنی مووچە دەکرێت و ڕۆژى پێنجشەممە 20ـى ئابى 2026 کۆتایی بەدابەشکردنی مووچەى مانگى تەمووز دێت.

ڕۆژى سێشەممە مووچەی خانەنشینی شارستانی و پێشمەرگە، زیندانیانی سیاسی و بەرکەوتووانی کیمیاباران و کەسوکاری شەهیدان و ئەنفالکراوان، خوێندنی باڵا و تەندروستی دابەش دەکرێت.

ئەو شوێنانەی ڕۆژی چوارشەممە مووچە وەردەگرن

• 14 وەزارەت و دەیان دەستە مووچە مانگی تەمووز وەردەگرن

• دابەشکردنی مووچەی سێ سەرۆکایەتییەکەی هەرێمی کوردستان

ڕۆژى چوارشەممە، 19ـى ئاب دەستەى ژینگە، دەستەى دەستپاکى، دەستەى مین، دەستەى وەبەرهێنان، مافى مرۆڤ، خاوەن پێداویستى تایبەت، ناوچەکانى دەرەوەى هەرێم، کاروبارى شەهیدان و ئەنفالکراوان، کۆمیسیۆنى باڵاى هەڵبژاردن دابەش دەکرێت.

هەروەها وەزارەتەکانى، ئاوەدانکردنەوەو نیشتەجێکردن، ناوخۆ، داد، ئەنجوومەنی دادوەریی، داراییى و ئابوورى، پلاندانان، سامانە سروشتییەکان، بازرگانى و پیشەسازى، گواستنەوەو گەیاندن، کاروکاروبارى کۆمەڵایەتى، شارەوانى گەشتوگوزار، کارەبا، رۆشنبیرى و لاوان، ئەوقاف و کاروبارى ئاینى، کشتوکاڵ و سەرچاوەکانى ئاو دابەش دەکرێت.

هاوکات، لە ڕۆژى چوارشەممە فەرماندەیی زێرەڤانى و بەرگرى و فریاکەوتن و سەرۆکایەتى پەرلەمان، سەرۆکایەتى، ئەنجوومەنى وەزیران، سەرۆکایەتى هەرێمى کوردستان، دیوانى چاودێرى دارایی دابەش دەکرێت.

ئەو شوێنانەی ڕۆژی پێنجشەممە مووچە وەردەگرن

بۆ ڕۆژى پێنجشەممە 20ـى ئاب، پێشمەرگە دیوان و لیواکان، ئەنجوومەنى ئاسایش و دەزگاى ئاسایش، بەرێوەبەرایەتیى پۆلیسى دامو دەزگا نەوتییەکان، فەرمادنەیی دەڤەرى یەک و دوو.

هاتنی تەمویلی مووچەی مانگی تەمووز

ئەوەش دواى ئەوەدێت ئەمڕۆ، وەزارەتى دارایی عێراق، بڕى 830 ملیار و 872 ملیۆن دینارى وەک مووچەى مانگى تەمووز بۆ هەرێمى کوردستان نارد و 120 ملیار دیناریشى لە بەرامبەر نەناردنى داهاتى نانەوتى بڕى.

هەروەها وەزارەتى دارایی عێراق، بڕی سێ ملیار و 326 ملیۆن و 931 ملیۆن دینارى دیکەى لە تەمویلی مووچەی مانگی تەمووز نەناردووە کە بریتییە لە شایستەی مووچەی مانگەکانی ڕابردووی خانەنشینانی شارستانی و سەربازی.هاتنی

زانیاری زیاتر بۆ تۆ

تەمویلی مووچەی مانگی 7 گەیشتە هەولێر و دابەشکردنی دەستپێدەکات